चार दिनदेखि ओरालो लागिरहेको सुनको मूल्य बिहीबार बढेको छ । नेपाल सुनचाँदी व्यवसायी महासंघका अनुसार बुधबारको तुलनामा बिहीबार बजारमा सुन चार सय र चाँदी १० रुपैयाँले बढेको हो ।
बुधबार ७० हजार ८ सयमा कारोबार भएको छापावाला सुन बिहीबार ४ सयले बढेर ७१ हजार २ सयमा कारोबार भइरहेको महासंघले जनाएको छ ।
तेजावी सुन प्रतितोला ७० हजार ९ सय रुपैयाँमा कारोबार भइरहेको छ । चाँदी प्रतितोला ८ सय ४० रुपैयाँमा कारोबार भइरहेको महासंघले जनाएको छ ।