कप्तान रुविना क्षेत्रीको अविजित ८० रनको मद्दतमा क्याट क्विन्स काठमाडौंले वुमन्स च्याम्पियन्स लिग टि–ट्वान्टी क्रिकेट प्रतियोगितामा पोखरा पल्टनलाई १ सय ५३ रनको लक्ष्य दिएको छ ।
टस हारेर पहिला ब्याटिङ गरेको क्याट क्विन्स काठमाडौंले निर्धारित २० ओभरमा ५ विकेटको क्षतिमा पोखरा पल्टनलाई १ सय ५३ रनको लक्ष्य दिएको हो । क्विन्स काठमाडौंका लागि कप्तान रुविनाले अविजित ८३ रन बनाइन् । ६७ बल खेलेकी रुविनाले १४ चौका २ छक्का प्रहार गरेकी थिइन् ।
रोमा थापाले १९ रन बनाउँदा शोभा आलेले १२ तथा इश्वरी विष्ट १० रनमा अबिजित रहिन् । पोखराका अनुराधा चौधरीले ४ विकेट लिइन् । १ विकेट कविता कुँवरको नाममा रह्यो ।
१ सय ५३ रनको भारी लक्ष्य पाएको पोखराले अहिले जवाफी ब्याटिङ गर्दैछ । काठमाडौं दोस्रो खेलमा पहिलो जित निकाल्ने लक्ष्यमा रहँदा पोखरा सुरुआती खेलमा विजय नतिजा निकाल्न चाहान्छ । काठमाडौं यसअघि पहिलो खेलमा चितवन राइनोजसँग ५ विकेटले पराजित भएको थियो ।
आज दिउँसो हुने अर्को खेलमा ललितपुर फाल्कोन्स र विराटनगर टाइटन्स आमने सामने हुनेछन् ।