दक्षिण अफ्रिका घुम्न गएका पर्यटकहरूलाई एउटा अजिंगरले निकै तर्साएको छ ।
अजंगको अजिंगर देखेपछि सफारीमा गएका पर्यटकहरू आआफ्नो कारमा हाम्फालेका थिए । उनीहरूले कारलाई रिभर्समा राखेर भाग्न खोजेको भए पनि अजिंगरले उनीहरूलाई लखेटिरह्यो ।
डर्बनमा भएको यो घटनामा अजिंगरलाई मानिसहरूको भीड मन परेको थिएन ।
घटनाको भिडियोमा एकजना क्यामराम्यानले एउटा डुंगामुनि अजिंगर देख्छन् ।
अजिंगर हेर्न जाँदा त्यसले आफूअगाडिको ल्यान्डरोभरमा नजर ताक्छ र क्यामराम्यानले उसको पुच्छर समात्न खोज्दा गाडीतर्फ दौडन्छ ।
अजिंगर त्यसपछि कार चढ्न खोज्छ । त्यो बोनेटमै पुगेपछि आत्तिएका चालकले गाडी रिभर्समा लान्छन् । अजिंगर कारबाट खस्छ तर गाडीलाई पछ्याइरहन्छ ।
नजिकैका गाडी र चालकहरू पनि भाग्ने कोशिश गर्छन् । अफ्रिकी रक पाइथनहरू विषालु हुँदैनन् तर घेराबन्दीमा परे भने निकै खतरनाक हुन्छन् । उनीहरूले आफ्ना तीखा दाँतले गहिरो घाउ बनाइदिन्छन् र कहिलेकाहीँ मानिसलाई बेरेर मारिदिन्छन् ।
उनीहरूले आफ्नो शिकारलाई सिंगै निलिदिन्छन् । कहिलेकाहीँ उनीहरूले बालबालिका निलेको खबर पनि आउँछ ।