कोविड १९ महामारी अपडेट (बिस्तृत मा हेर्नुहोस)

नेपाल

पुष्टि भएको 2,300
निको भएको 278
मृत्यु 9

बिश्व भरि

पुष्टि भएको 6,508,635
निको भएको 2,804,982
मृत्यु 385,947

बैतडीसहित सुदूरपश्चिम प्रदेशका अन्य जिल्लामा सुपथ मूल्य पसल सञ्चालनमा आउन सकेनन्

धनगढी खबर    

बैतडीसहित सुदूरपश्चिम प्रदेशका अन्य जिल्लामा सुपथ मूल्य पसल सञ्चालनमा आउन सकेनन्

धनगढी । बैतडीसहित सुदूरपश्चिम प्रदेशमा अझै सुपथ मूल्यपसल सञ्चालनमा आउन सकेका छैनन् । 

विगतका वर्षहरूमा  दशैंतिहार, छठ सहितका चाडपर्वलाई लक्षित गरी सुदूरपश्चिमका ७ स्थानमा सुपथ मूल्यपसल सञ्चालन हुँदै आएको थियो । तर  सुपथ मूल्य पसल सुदूरपश्चिम प्रदेशको धनगढीबाहेक अन्य बजार तथा जिल्लामा अझैं खुल्न नसकेका साल्ट ट्रेडिङ कर्पोरेशन अञ्चल कार्यालयका सूचना अधिकारी रामचन्द्र जोशीले जानकारी दिनुभयो । 

साल्ट ट्रेडिङ कर्पोरेशनले हाल अञ्चल कार्यालय धनगढीमा मात्रै सुपथ मूल्य पसल सञ्चालनमा ल्याएको छ । कर्पोरेशनले विगतका वर्षहरूमा कैलालीको धनगढीमा रहेको अञ्चल कार्यालय, टीकापुर, कञ्चनपुरको महेन्द्रनगर,बेलौरी, डोटीको दिपायल, डडेल्धुरा र  बैतडीको पाटनमा दशैंतिहार तथा छठलाई लक्षित गरि सुपथ मूल्य पसल सञ्चालनमा ल्याउने गरेको थियो। यस बर्ष भने सरकारले भदौ २३ गतेदेखि सुपथ मूल्य पसल सञ्चालनमा आएको घोषणा गरेको भएपनि २ हप्तासम्म पनि सुदूरपश्चिममा सुपथ मूल्य पसल सञ्चालनमा अझै आउन सकेका छैनन् ।  

दसैं, तिहार र छठ पर्वलाई लक्ष्य गरी उद्योग, वाणिज्य तथा आपूर्ति मन्त्रालयले कात्तिक १७ गतेसम्म सुपथ मूल्य पसल सञ्चालन गर्ने घोषणा गरेको थियो । उपभोक्तालाई सहुलियत मूल्यमा बस्तु बिक्री गर्ने उद्देश्यसहित सञ्चालनमा आउने सुपथ मूल्य पसल सञ्चालनमा नआउँदा समस्या भएको छ । 

साल्ट ट्रेडिङ कर्पोरेशनका सूचना अधिकारी जोशीका अनुसार ढुवानी समस्याका कारण अञ्चल कार्यालय धनगढीबाहेक अन्य ठाउँमा तत्काल सुपथ मूल्य पसल सञ्चालन ल्याउन नसकिएको बताउनुभयो ।



आइतबार ०५, असोज २०७६ ०८:४३ मा प्रकाशित

Loading...

प्रतिकृया दिनुहोस