काठमाडौं- देशभरी सामान्य बदली रही धेरै स्थानहरुमा मेघ गर्जन/चट्टयांग सहित हल्का देखि मध्यम वर्षा हुने सम्भावना रहेको जल तथा मौसम पूर्वानुमान महाशाखाले जनाएको छ ।
मनसुनी न्यून चापीय रेखा नेपालको पश्चिमी भु-भागमा औसत स्थान भन्दा केहि माथि र अन्य ठाउँमा औसत स्थान आसपास अवस्थित रहेको मौसम विज्ञान विभागले जनाएको छ । साथै बंगालको खाडीको उत्तर – पश्चिमि भागमा एउटा न्युन चापिय प्रणाली बनेको छ ।
देशभर समग्र मौसमको अवस्था
देशभर सामान्यदेखि पूर्णतया बदलि भई केहि स्थानहरुमा मेघ गर्जनसहित हल्कादेखि मध्ययम वर्षा भईरहेको विभागले जनाएको छ ।
आगामी तीन दिनको मौसम पूर्वानुमान
भाद्र १८ गते (बुधबार)
दिउँसो: देशभरी सामान्य बदली रही धेरै स्थानहरुमा मेघ गर्जन/चट्टयांग सहित हल्का देखि मध्यम वर्षा हुने सम्भावना छ। देशका थोरै स्थानहरुमा भारि वर्षाको संभावना समेत रहेको पूर्वानुमान विभागले गरेको छ ।
राति: देशभरी सामान्य बदली रही पश्चिम र मध्यका अधिकांश साथै पुर्वका केहि स्थानहरुमा मेघ गर्जन/चट्टयांग सहित हल्का देखि मध्यम वर्षा हुनेछ। साथै देशभर थोरै स्थानहरुमा भारी वर्षाको सम्भावना देखिन्छ ।
भाद्र १९ गते (बिहिबार)
दिउँसो: देशभरी आंसिक देखि सामान्य बदली रही पूर्व र मध्यका पहाडि तथा पश्चिमि भेगका केहि स्थानहरुमा मेघ गर्जन/चट्टयांग सहित हल्का देखि मध्यम वर्षा हुने सम्भावना छ ।
राति: देशभरी सामान्य बदली रही केही स्थानहरुमा मेघ गर्जन/चट्टयांग सहित हल्का देखि मध्यम वर्षा हुनेछ । साथै पश्चिमि पहाडी भेगका १-२ स्थानमा भारी वर्षाको सम्भावना देखिन्छ ।
भाद्र २० गते (शुक्रबार)
दिउँसो: देशभरी आंसिक देखि सामान्य बदली रही पहाडि भेगका थोरै स्थानहरुमा मेघ गर्जन/चट्टयांग सहित हल्का देखि मध्यम वर्षा हुने सम्भावना छ ।
राति: देशभरी सामान्य बदली रही केही स्थानहरुमा मेघ गर्जन/चट्टयांग सहित हल्का देखि मध्यम वर्षा हुनेछ। साथै पश्चिमि पहाडी भेगका एक वा दुई स्थानमा भारी वर्षाको सम्भावना देखिन्छ ।
आगामी २४ घण्टाका लागि चेतावनी तथा देशभरी सामान्य बदली रही धेरै स्थानहरुमा मेघ गर्जन/चट्टयांग सहित वर्षाका साथै थोरै स्थानमा भारी वर्षाको सम्भावना छ।
यसको प्रभावले पहाडि भु-भागमा पहिरोको जान सक्ने , हवाई तथा सडक यातायातमा समेत सामान्य अवरोध आउन सक्ने साथै नदिमा पानिको वहाव बढ्न सक्ने भएकोले सतर्कता अपनाउनु हुन विभागले अनुरोध गरेको छ ।