सत्तारुढ दल नेपाल कम्युनिष्ट पार्टी (नेकपा)को एकता प्रक्रियाको बाँकी काम टुंग्याउन आज बस्ने भनिएको सचिवालय बैठक स्थगित भएको छ । गृहकार्य नपुगेको भन्दै आज १ बजे बस्ने भनिएको सचिवालय बैठक साउन ९ गतेसम्मका लागि स्थगित गरिएको हो ।
आज बस्ने नेकपाको सचिवालय बैठकले विभागको नेतृत्वको नाम सचिवालयमा पेश गर्ने भनिएको थियो । तर अध्यक्षद्वय केपी शर्मा ओली र पुष्पकमल दाहाल प्रचण्डले विभागलगायत अन्य संगठनको बारेमा छलफल जारी राखेका छन् ।