धनगढी : कैलालिको घोडाघोडी नगरपालिका ६ बछुरियाकी १४ वर्षिया बालिकालाई बलात्कारको आरोप लागेका सोही ठाउका ३३ वर्षका हर्क कुवर पक्राउ परेका छन ।
१३ गते राती घरमा कोहि नभएको मौका छोपी आफनै साथीकी छोरीलाई बलात्कार गरेको आरोप लागेका कुवर सोही रातीदेखि नै फरार थिए ।
उनलाई आफन्तकोमा लुकिछिपि बसिरहेको अवस्थामा आईतवार साँझ लम्कीबाट पक्राउ गरिएको जिल्ला प्रहरी कार्यालय कैलालीका प्रमुख प्रहरी उपरिक्षक विनोद घिमिरेले जानकारी दिनुभयो । लम्कीमा पक्राउ परेका कुवरलाई धनगढी ल्याईएको छ ।
यस्तै, कैलालीको धनगढी उपमहानगरपालिका—६, जालीमा दुई बालिकालाई बलात्कार गर्न खोज्ने एक जना युवालाई गाउलेले नै पक्राउ गरि प्रहरीलाई बुझाएका छन ।
आईतवार दिउसो १३ र १४ वर्षकी बालिकालाई बलात्कार गर्न खोज्ने सोही गाउका २२ वर्षिय अनिल चौधरीलाई स्थानीयले पक्राउ गरेपछि प्रहरीलाई बोलाएका थिए । उनले घरमै नुहाईरहेकी दाजुभाईकी दुई छोरीलाई बलात्कारको प्रयास गरेका थिए ।
बालिकाका बुबाले उक्त कुराको जानकारी पाएपछि स्थानीयसगै प्रहरीलाई खवर गरेका थिए । त्यसपछि वडा प्रहरी कार्यालय धनगढीका ईन्चार्ज प्रहरी निरिक्षक वकिलबहादुर सिंहको कमाण्डमा गएको प्रहरी टोलीले चौधरीलाई पक्राउ गरि जिल्ला प्रहरी कार्यालय पठाएको छ ।
पक्राउ गरिएका चौधरीको अनुसन्धानका लागि ७ दिन म्याद थप गरिएको प्रहरी नायव उपरिक्षक हरि वलीले जानकारी दिनुभयो ।