कैलालीको धनगढीमा रहेको नेशनल एकेडेमी अफ साइन्स एण्ड टेक्नोलोजीले पीईए ईन्जिनियरिगं एण्ड आईटी क्वीज प्रतियोगिता मंगलवार सम्पन्न गरेको छ ।
सुदुरपश्चिम प्रदेशका विभिन्न विद्यालयका जम्मा ४२ टिमहरु सहभागि रहेको उक्त प्रतियोगिता कार्यक्रममा सभापति नेशनल एकेडेमी अफ साइन्स एण्ड टेक्नोलोजीका प्राचार्य प्रा.डा.प्रेमबहादुर चन्द रहनु भएको थियो ।
साथै नेशनल एकेडेमी अफ साइन्स एण्ड टेक्नोलोजीका प्रबन्ध निर्देशक शिवहरी शर्मा मुडभरी, हिसानका कैलाली जिल्ला अध्यक्ष खेमराज भट्ट लगायत विभिन्न विद्यालयका शिक्षक एवम् विद्यार्थीहरुको सहभागिता रहेको थियो ।
सो प्रतियोगितामा प्रथम स्थान नाष्ट मा.वि.ले प्राप्त गरेको थियो भने दोस्रो स्थान कैलाली मोडेल मा.वि र तेस्रो स्थान रेडियन्ट मा.वि.ले प्राप्त गरेका थिए । यस्तै चौथो स्थान नाष्ठ मा.विकै अर्काे टिमले प्राप्त गरेको थियो ।
सफल भएका ४ वटै टिम देभरका ७ वटै प्रदेशबाट छानिएर आएका टिमसंग काठमाण्डौमा उपाधिका लागि प्रतिष्पर्धा गर्न भएका छन् ।