हरियो टमाटर खाँदा पनि हुन्छ फाइदैफाइदा
हामी अत्यधिक रातो टमाटर नै खानका लागि प्रयोग गर्छौं । टमाटर पाकेपछि मात्र सेवन गर्ने भन्ने मान्यता छ । तर हरियो टमाटर खाँदा पनि उत्तिकै फाइदा हुन्छ भन्दा तपाईं अचम्म पर्नुहोला । आउनुहोस् जानौं हरियो टमाटर खानुका फाइदा
- रातो टमाटरको तुलनामा हरियो टमाटरमा भिटामिन सीको मात्रा धेरै हुन्छ । त्यसैले यसको सेवनले रोग प्रतिरोधात्मक क्षमता बलियो बन्छ ।
- हरियो टमाटरलाई तपाईं काँचै सलादको रुपमा पनि खान सक्नुहुन्छ । यसले तपाईंको छालामा पनि निखार ल्याउने काम गर्छ ।
- भिटामिन्सहरुले भरिपूर्ण हरियो टमाटर आँखाको स्वास्थ्यका लागि पनि एकदमै प्रभावकारी छ । यसको दैनिक सेवनले आँखासँग जोडिएका समस्याहरु कम हुन्छन्
- हरियो टमाटरमा फाइबरको मात्रा अधिक हुन्छ जसले गर्दा यसको सेवनले पाचन प्रणाली राम्रो हुन्छ । जसले गर्दा मोटोपन पनि नियन्त्रणमा रहन्छ ।
- भिटामिन सी र अन्य पोषक तत्वहरुले भरपूर हरियो टमाटर मुटुको स्वास्थ्यका लागि पनि एकदमै फाइदाजनक हुन्छ ।
- हरियो टमाटरमा हुने फस्फोरस, आइरन तथा पोटाशियमले रगतमा चिनीको मात्रालाई नियन्त्रण गर्न एकदमै असरदार हुन्छ ।
- त्यस्तै रातो टमाटरले जसरी हरियो टमाटरले पनि छालालाई सूर्यको हानिकारक किरणहरुबाट बचाउन सहयोग गर्छ । यसका लागि तपाईं हरियो टमाटर काटेर अनुहारमा लगाउन सक्नुहुन्छ ।