धनगढी । वर्षा र हावाहुरीका कारण धनगढी विमानस्थलमा हवाइ उडान अवरुद्ध भएपछि प्रधानमन्त्री पुस्पकमल दाहाल प्रचण्ड मंगलबार काठमाडौँ फर्किन सकेनन् ।
खराब मौसमका कारण काठमाडौँ आउने प्लेन उडन नसकेपछि उनी धनगढीमै रोकिएका हुन् । उनी आज बिहान काठमाडौँ फर्कने तयारीमा छन् ।
प्रचण्ड धनगढी रोकिएपछि आज बिहान ७ बजेका लागि तय गरिएको गैरआवासीय नागरिकता वितरण कार्यक्रम सरेको छ ।
प्रधानमन्त्री प्रचण्ड धनगढीबाट काठमाडौँ आए लगत्तै कार्यक्रम सुरु हुने जनाइएको छ ।
समाजवादी मोर्चाको सुदूरपश्चिमस्तरीय सन्देश सभालाई सम्बोधन गर्न कैलाली आएका प्रधानमन्त्री दाहाल श्री एयरको नियमित उडानबाट बेलुकी साढे पाँच बजे काठमाडौ फर्किने कार्यतालिका थियो । तर वर्षा र हावाहुरीले बेलुकी कुनै पनि उडान हुन सकेको थिएनन् ।