धनगढी । कैलालीको गोदावरी नगरपालिका वडा नम्बर ४ बाट अवैध काठ बरामद गरिएको छ ।
आज बिहान ४ बजे तिर जिल्लाको गोदावरी नगरपालिका वडा नम्बर ८ मा रहेको सुर्योदय सामुदायिक वनक्षेत्रबाट अवैध काठ बरामद गरिएको हो । ढुवानी गर्न लागेको गाडी सहित तिन जनालाई प्रहरीले नियन्त्रणमा लिएको छ ।
ईलाका प्रहरी कार्यालय मालाखेतिबाट प्रहरी सहायक निरीक्षक धर्मराज भट्टको कमान्डमा खटिएको टोलिले १०७ सालका कडी सहित सु प प्र १००१ ख ३१५७ नम्बरको ट्रक नियन्त्रणमा लिएको डिएसपी गणेश बरालले बताएका छन ।
ट्रक साहु स्थानीय देवराज भट्ट ,काठका साहु स्थानीय मदन छेडाल र चालक बैतडीका सिद्धराज भट्टलाई नियन्त्रण लिइएको ईलाका प्रहरी कार्यालय मालाखेतीले जनाएको छ । उनीहरुमाथि थप अनुसन्धान भईरहेको जनाएको छ ।