काठमाडौं । मलेसियामा जारी ४ देश सम्मिलित महिला टी–२० आई क्रिकेट सिरिजमा नेपालले आज (बुधवार) कुवेतसँग प्रतिस्पर्धा गर्दैछ।
नेपाल र कुवेतबीचको खेल नेपाली समयानुसार बिहान ११:४५ बजेबाट मलेसियाको बायोमास ओभलमा सुरु हुनेछ।
आइसीसी महिला टी–२० विश्वकप एसिया क्षेत्र छनोट अघि नेपाल, मलेसिया, हङकङ र कुवेतबीच सिरिज खेल आयोजना भएको हो।
नेपालले सिरिजको पहिलो खेलमा हङकङविरुद्ध जित निकालेको थियो। नेपालले मंगलबार हङकङलाई नेपालले ६ विकेटले पराजित गरेको थियो।
नेपाल लगातार दोस्रो जित निकाल्ने लक्ष्यसहित मैदानमा उत्रिनेछ। कुवेतविरुद्धको बुधबारको खेलमा जित निकाले नेपालको फाइनल यात्रा पक्का जस्तै हुनेछ।