विशेष

फाईनल प्रवेशका लागि बुधबार रेडियो धनगढी र पश्चिम टुडे तथा एसटिएस र बी टिभि भिड्ने     |     गाँउपालिकाको कार्यालयमा राखिएको बम नेपाल आर्मीद्वारा निष्क्रिय     |     अन्तराष्ट्रीय कराँते प्रतियोगिताको तयारी अन्तीम चरणमा, विभिन्न देशका खेलाडी धनगढी पुग्ने क्रम जारी     |     महिला हिंसाका उजुरी घटे     |     काम नगर्ने कर्मचारीलाई कडा कारबाही गर्ने मन्त्री पण्डितको चेतावनी     |     अनियमितता अन्त्य गर्न नगरपालिका सहमत भएसँगै खुल्यो ताला     |     आगामी आर्थिक बर्षको बजेटको सिद्धान्त, प्राथमिकता र प्रमुख नीतिबारे छलफल प्रारम्भ     |     मंगलबार अमेरिकी डलरसहित सबै विदेशी मुद्राको भाउ घट्यो     |    

विद्यालय भर्ना भए १५ वटा भेँडा

एजेन्सी    

विद्यालय भर्ना भए १५ वटा भेँडा

युरोपेली मुलुक फ्रान्समा एउटा अनौठो घटना भएको छ । त्यहाँको एक प्राथमिक विद्यालयमा केही कक्षाहरु बन्द हुने कुरा चलिरहेको थियो । उक्त प्राथमिक विद्यालयमा २ सय ६१ जना विद्यार्थी छन् ।

विद्यार्थीको संख्या घटेसँगै अभिभावकहरुले ‘किन विद्यालयमा विद्यार्थीको संख्या कम भयो ?’ भनेर प्रश्न उठाउन थाले । अभिभावकहरुको उक्त गुनासोलाई ध्यानमा राख्दै विद्यालयले १५ वटा भेँडालाई स्कुलमा भर्ना गरेको छ ।

क्रेत्स अन बेलडोन सहरमा रहेको प्राथमिक विद्यालयको खबर हो यो । उक्त सहरको जनसंख्या जम्मा ४ हजार छ । विद्यार्थीको संख्या कम भएर कक्षाहरु नै घटनाउनुपर्ने अवस्था आएको बेला स्थानीय एकजना भेडा किसान उद्धारक बनेर देखा परे । उनले स्कुललाई आफ्ना १५ वटा भेडा दिन प्रदान गरे ।

भेडालाई स्कुलमा भर्ना गरेसँगै भेडाको जन्मदर्ता प्रमाणपत्र पनि पेश गरिएको छ । गेल लावेल नामका एक अभिभावकले यसरी स्कुलमा भेडा भर्ना गर्ने आइडिया फुराएका थिए । उक्त स्कुलमा हाल ११ कक्षा छन् । कक्षालाई घटाएर १० बनाइएपछि उनले विरोध गरेका थिए ।

एउटा कक्षा घटाउँदा हरेक कक्षामा विद्यार्थीको चाप बढ्ने र विद्यार्थीको पढाइमा असर पुग्ने दाबी उनले गरे । त्यसपछि उनले कूल विद्यार्थी संख्या बढाउनका लागि भेडालाई स्कुलमा भर्ना गर्ने प्रस्ताव गरे । जसका कारण कक्षाको संख्या घटाउनु नपरोस् र कक्षामा विद्यार्थीको अनुपात नबिग्रियोस् ।

उनको प्रस्तावलाई सहरका मेयर ज्याँ लुई मेरेले पनि स्विकार गरे । मेयरका बच्चाहरुले पनि सोही स्कुलमा पढ्ने गर्दछन् । स्कुलमा भेडाहरु समेत आउन थालेपछि विद्यार्थीहरु समेत रमाउन थालेका छन् ।



आइतबार २९, बैशाख २०७६ १२:१८ मा प्रकाशित

Loading...

प्रतिकृया दिनुहोस