ओछ्यानमै सर्पले टोकेर बालिकाको मृत्यु

ओछ्यानमै सर्पले टोकेर बालिकाको मृत्यु

जनकपुरधाम । धनुषामा सर्पले टोकेर एक बालिकाको मृत्यु भएको छ । धनुषाको बटेश्वर गाउँपालिका– १ चित्रपुरकी ५ वर्षीया सन्ध्याकुमारी महतोको मृत्यु भएको प्रहरीले जनाएको छ ।

घरमै सुतिरहेकी बालिकालाई बिहीबार बिहान पौने ३ बजे ओछ्यानमै सर्पले टोकेको थियो । अभिभावकले तत्कालै उपचारको लागि सिरहाको बन्दीपुर सर्पदंश उपचारका केन्द्रमा पुर्‍याएका थिए ।

तर त्यहाँ उपचार सम्भव नभएपछि सिरहाकै फुलकुमारी मेमेरियल हस्पिटलमा लगिएको थियो । त्यहाँ उनको उपचारको क्रममा मृत्यु भएको हो ।