बैतडी । एमाले सुदूरपश्चिम प्रदेश सभा संसदीय दलको प्रमुख सचेतकमा सुरेन्द्र बहादुर पाल चयन भएका छन् । एमाले संसदीय दलका नेता राजेन्द्र सिंह रावलले पाललाई प्रमुख सचेतकमा नियुक्त गरेका हुन् । एमाले संसदीय दलको प्रमुख सचेतक पदमा पाल नियुक्त भएका हुन् ।
एमाले बैतडीका अध्यक्ष समेत रहेका पाल जिल्लाको प्रदेश सभा १ बाट निर्वाचित सांसद हुन् । यस्तै सचेतकमा निर्मला देबि साउद चयन भएकी बताइएको छ । एमालेले प्रदेशसभा संसदीय दलको विधान २०७४ को दफा ११ को १ बमोजिम एमाले संसदीय दलको प्रमुख सचेतक पदमा सोही विधानको दफा १२ अनुसार काम, कर्तव्य र अधिकार प्रयोग गर्ने गरी नियुक्त गरेको हो ।
निर्मला साउँद नियूक्ती भएकी छन् । सुदूरपश्चिम प्रदेश सभामा तेस्रो ठुलो दल रहेको एमाले अहिले प्रमुख प्रतिपक्षको भूमिकामा छ ।