धनगढी । सदूरपश्चिम प्रदेश सरकारका आर्थिक मामिला मन्त्री नरेश कुमार शाहीको विशेष पहलमा बाजुराका तीन ठाउँमा बेलिवृज पुल निमार्ण हुने भएको छ । मन्त्री शाहीको पहलमा जिल्ला सदरमुकाम मार्तडीबाट अन्य स्थानिय तह जोड्ने गरी यसै आर्थिक वर्षमा बाजुराका तीन ठाउँमा बेलीवृज पुल निमार्ण हुने भएका हुन । जिल्ला सदरमुकाम मार्तडि सहित कोल्टी सडक खण्ड अन्तर्गत बाउलीको अनाई खोला, कोल्टीको दानसागु खोला र भौनेरा खोलामा बेलिवृज पुल निमार्णका लागि जिल्ला र जिल्ला आसपासका जिल्लाहरुमा जगेडामा रहेका वेलीवृजलाई सो क्षेत्रमा लिई जोड्न संघिय सरकारका भौतिक पुर्वाधार तथा यातायात मन्त्री प्रकाश ज्वालाले निर्देशन दिएका छन् ।
हाल सम्म पुल निमार्ण हुन नसकि सडक सञ्चाल संग नजोडिएका ठाउँमा तत्काल बेलीवृज पुल निमार्ण गरी सडक यात्रालाई सहज बनाउने गरी मन्त्री स्तरीय निर्णय भएको भौतिक पुर्वाधार तथा यातायात मन्त्रालय सडक विभाग पुल महाँशाखाका उपसचिव कृष्णराज अधिकारीले बताए ।
संघिय सरकारका भौतिक पुर्वाधार तथा यातायात मन्त्री प्रकाश ज्वालाले बाजुराका तीन वटै ठाउँमा बेलिवृज पुल तत्काल निर्माण गर्न जेठ ३ गते मन्त्री स्तरको निर्णय गर्नुभएको थियो । सोही अनुरुप मन्त्रालयले संघिय सडक सुपरिवेक्षण तथा अनुगमन कार्यालय सुर्खेतलाई असार मसान्त भित्रै ती ठाउँमा बेलिवृज पुल निमार्ण गर्न निर्देशन दिएको बताए । यता सडक डिभिजन कार्यालय साफेबगरका कार्यलय प्रमुख विवसबाबु सदादेव का अनुसार मन्त्रालयबाट नितिगत निर्णय भई परिपत्र आएको छ अब तत्काल पक्रीयामा जाने समेत बताए ।
त्यस्तै मन्त्री शाहीको पहलमा साफेमार्तडी सडक खण्ड अन्तगर्तग पर्ने बल्दे अमकोट द्धारी बैकल्पीक मार्गमा यसै आव काम सम्पन्न गर्ने गरी गत बैशाख २० गते सडक डिभीजन कार्यालय साफेवगले ठेक्का आह्वान गरीसकेको छ । जसका कुल लागत एक करोड उनान्सत्तरी लाख पन्चानब्य हजार तिन सय चौविस रुपैया छैसठ्ठी पैसा रहेको छ ।
बाजुरामा केही वर्ष देखि कच्ची सडकबाट यातायातका साधान सञ्चालन भईरहे पनि यात्रा मौषमि हुदै आएको छ । पुल नभएका ठाउँमा बर्खा सिजनमा यातायातका साधान अवरुद्ध हुने गरेका छन । कतिपय ठाउँमा आंशिकरुपमा यातायातका साधान सञ्चालन हुन्छन भने अधिकासं ठाउँमा पैदल यात्रा गर्न समेत कठिन छ । सडक यात्रा मौषमि हुने गरेको बाजुरामा पानी परेका बेला खोला बढ्ने र कच्ची सडक भासिँने जोखिमले यातायातका साधान पनि नियमित नहुदा स्थानियले विभिन्न कठिनाई भोग्दै आएका छन । अव पुल निमार्ण हुने भए पछि यातायातका साधान नियमित हुने र वर्षा सिजनमा यात्रामा पनि सहज हुने बताईएको छ । सडक र पुल निमार्ण भए पछि वर्षेनि गाडी गुड्ने र मौषमि यात्राको अन्त्य हुने प्रति नागरीकको अपेक्षा छ ।
