धनगढी। नेपाली काँग्रेस सुदूरपश्चिमका सभापति तथा कैलाली क्षेत्र नम्बर ४ का प्रतिनिधि सभा सदस्य वीरबहादुर बलायरले सबैले सच्चिनु पर्ने बेला आएको बताएका छन् ।
नेपाली काँग्रेस घोडाघोडी नगरपालिको प्रथम नगर सम्मेलनमा प्रमुख अतिथिको आसन बाट बोल्दै बलायरले नेपाली काँग्रेसका तह देखी तप्का सम्मका नेतृत्वहरू सच्चिनु पर्ने उनले बताए ।
नयाँ परिमाण निकाल्न अब काग्रेश सच्चिनु पर्ने र सच्चिएन भने नयाँ परिमाण दिन नसकिने उनको भनाई छ । पुरानै मौजुदा र परिस्थिति बाट नेपाली काँग्रेस चल्न नसक्ने धारणा रहेको थियो ।
उनले भने“हाम्रा सम्पूर्ण तौर तरिका फेर्न सकेनौँ भने यो बाध्यात्मक रुपमा देशको लोकतन्त्रको लागी, देशको राष्ट्रियता अखण्डता र स्वादिन्ताको लागी पनि काग्रेश महत्त्वपूर्ण कुरा हैन । देश महत्त्वपूर्ण कुरा हो ।”
प्रतिनिधि सभा सदस्य वीरबहादुर बलायरले देशको लागी लडेको नेपाली काँग्रेसले फेरी देश खतरा भएको बेलामा जुन सुकै कुरामा तयार हुनु पर्ने उनको भनाई थियो ।
नेपाली काँग्रेसलाई एक ढिक्का बनाउन नेताहरू राजधानी र सदरमुकाम मात्र केन्द्रित नभएर गाउँ बस्तीमा जानु पर्ने बेला आएको वीरबहादुर बलायरको भनाई छ ।