धनगढी ।नेपाली काँग्रेस कैलाली जिल्ला सम्मेलन अर्न्तगत १ सय २६ वटै वडामा वडा सम्मेलन सम्पन्न भएका छन् । वैशाख दोस्रो सातादेखि शुरु भएको पार्टीको वडा सम्मेलन सम्पन्न गर्नुका साथै पालिका सम्मेलन अन्तिम चरणमा रहेको जनाइएको हो ।
जिल्ला सम्मेलन गर्नु पूर्व मातहतका निकायमा गर्नु पर्ने सम्मेलन अन्र्तगत वडा सम्मलेन सम्पन्न भएर पालिका सम्मेलनको अन्तिम चरणमा पुगेको जिल्ला प्रचार–प्रसार विभाग संयोजक तपेन्द्र भुषालले जानकारी दिएका छन् ।
विहिबारसम्म १३ वटा पालिका मध्ये १० वटा पालिका सम्पन्न भएका छन् भने ३ वटा पालिका पनि २४ गते दिन सम्पन्न हुने संयोजक भुषालले जानकारी दिएका छन् । पालिका भन्दा माथिल्लो तह प्रदेश सभा क्षेत्रमा पनि सम्मेलन हुने जारी रहेको जानकरी दिएका छन् । पालिका सम्मेलन हुने क्रममा विहीबार गौरीगंगा नगरपालिका र वर्दगोरिया गाउँपालिकाको सम्पन्न भएको छ ।
विभिन्न वडा तहमा खटाएका जिल्ला प्रतिनिधिहरुवाट पनि प्रतिवेदन आउने क्रम पनि जारी रहेको छ साथै प्राप्त भएका प्रतिवेदनको अध्ययन भैरहेको संयोजक भुषालले जानकारी दिएका छन् । यहि जेठ ५ गते कैलारी गाँपालिकाको वडा नंम्बर ३ को कालीमाई मन्दिर हुने जिल्ला सम्मेलनको तयारी पनि भैरहेको जानकारी संयोजक भुषालले दिएका छन् ।