महोत्तरीको मटिहानीमा आगलागी हुँदा ८ वटा घर जलेर नष्ट भएका छन्।
मटिहानी नगरपालिका ६ मा आइतबार साँझ आगलागी हुँदा स्थानीय गफार शेष, सतार शेष, सदरे शेष, अन्सारुल मोमिन, इलझारुल मोमिन, अतिम नदाफ, तालिम मोमिन र राजकिशोर मुखियाको घर जलेर नष्ट भएको जिल्ला प्रहरी कार्यालय ९महोत्तरी० ले जनाएको छ।
आगलागीबाट करिब ३० लाख रुपैयाँ बराबरको धनमाल जलेर नष्ट भएको प्रारम्भिक अनुमान प्रहरीले गरेको छ।
समयमै वारुण यन्त्र नजाँदा आगलागी नियन्त्रणमा लिन नसकिएको पीडितहरूले गुनासो गरेका छन्। मठिहानी नगरपालिकासँग वारुण यन्त्र छैन।
पछि जलेश्वर नगरपालिकाको वारुण यन्त्र पुगेर आगो निभाएको थियो। जलेश्वरबाट वारुण यन्त्र पुग्दा आठवटै घर खरानी भइसकेका थिए।