बाजुरा। बाजुराको तिथिचौरमा मिनिट्रक दुर्घटना भएको छ। बाजुराको कोल्टीबाट हुम्लाको सरिसल्ला जाँदै गरेको सु.प.प्र. ०१००१ ख २४९४ नम्बरको मिनीट्रक हिमाली गाउँपालिका ४ तिथिचौरमा दुर्घटना भएको हो। दुर्घटनामा परि चालक सहित २ जना घाईते भएका छन।
घाईते हुनेमा चालक पुस्कर सिंह धामी र सहचालक रहेका छन। आज बुधबार बिहान ६ बजे हुम्ला सरिसल्लाकोलागी रासन लिएर जाँदै गरेको मिनिट्रक ब्रेक फेल भएर दुर्घटना भएको प्रदेश ट्राफिक प्रहरी कार्यालय अत्तरियाले जनाएको छ । सडकबाट करिव १५ मिटर तल खसेको प्रहरीले जनाएको छ।
मिनीट्रक नेपाली सेनाको कर्णाली करिडोर सडक निर्माणका लागि तिथिचौरमा रहेको नेपाली सेनाको पोष्टबाट गएको टोलीले उद्धार गरेको दुर्गाभन्जन गुल्म बाजुराका गुल्मपती दिवाकर खड्काले जानकारी दिए । ब्रेक फेल भएर सडक भन्दा करबि १५ मिटर तल खसेको अवस्थामा फेला पारेको नेपाली सेनाले जनाएको छ। उच्च जोखमिमा रहेको ट्रक दुर्घटनाग्रस्त भएको हो । उक्त ट्रकमा भएको राशनजन्य सामानहरु लाई सुरक्षति स्थानमा सारीएको र घाईतेको उद्धार गरीएको जनाएको छ।