कैलालीको गोदावरी नगरपालीका अत्तरियामा हुने बि वाई सी मेयर कप फुटबल प्रतियोगिता २०७६ को तयारी पुरा भएको छ ।
अत्तरियालाई फुटबलको सहर भनि देशव्यापी रुपमा परिचीत गराउने उद्धेश्यले श्री वनदेवी युवा कल्वको आयोजनामा बैशाख १० गतेदेखी १८ गतेसम्म सञ्चालन हुने प्रतियोगिताको आज पत्रकार सम्मेलन गरि जानकारी दिएको हो ।
प्रतियोगिताको समुद्घाटन गोदावरी नगरपालीकाका नगर प्रमुख हरि सिहँ साउँदले गर्ने जनाएको छ । उक्त प्रतियोगिताको बिजेताले ३ लाख १ रुपैया पाउने जनाएको छ ।
यस्तै उप विजेताले १ लाख ५० हजार १ रुपैया सहित नगद प्रमाण पत्र प्रदान गर्ने क्लवका सह सचिव रबिन्द्र बोहराले जानकारी दिनुभयो ।
यस्तै प्रतियोगिताको उत्कृष्ट खेलाडीले १५ हजार पाउने छ भने उत्कृष्ट गोलकिपर,डिफेन्डर,स्टाईकर,सर्वा्धिक गोलकर्ता र उदयमान खेलाडीलाई जनही १० ÷१० हजार प्रदान गर्ने जनाएको छ ।यस्तै प्रतियोगिताको म्यान अफ द म्याचलाई ३ हजार प्रदान गर्ने जनाएको छ । प्रतियोगितामा २० लाख भन्दा बडी खर्च हुने आयोजकले जनाएको छ ।