काठमाडौं । लियोनल मेसी र किलियन एम्बाप्पेबिना नै मैदान उत्रिएको पीएसजी फ्रेन्च लिग वानअन्तर्ग मोनाकोसँग ३(१ गोलको नतिजामा पराजित भएको छ ।
शनिवार राति सम्पन्न खेलमा शीर्ष स्थानको पीएसजीलाई पराजित गर्न खेलको चौथो मिनेटमा एलेक्सान्ड्रा गोलोभिनले पहिलो गोल गरेका थिए ।
विसम बेन एड्डरले १८औं मिनेटमा गोल गर्दै मोनाकोको अग्रता दोब्बर पारे । पीएसजीका वारेन इम्रीले ३९औं मिनेटमा गोल गर्दै खेलमा फर्किने संकेत गरेका थिए ।
तर, पहिलो हाफको इन्जुरी समयमा विसमले व्यक्तिगत दोस्रो गोल गर्दै मोनाकोको अग्रता फराकिलो पारे । त्यसपछि दोस्रो हाफमा थप गोल हुन नसक्दा मोनाकोले ३(१ को सहज जित निकालेको हो ।
जितसँगै मोनाकोले २३ खेलमा ४७ अंक जोडेर तेस्रो स्थानमा रहेको छ । पीएसजी ५४ अंकसहित शीर्ष स्थानमा यथावत् छ ।