काठमाडौं । दाङमा एक प्रहरी जवानलाई बलात्कारको आरोपपछि पक्राउ गरिएको छ । सुनवल दङ्गामा कार्यरत प्रहरी जवान रामबहादुर कार्की बलात्कार मुद्धामा पक्राउ परेका हुन् ।
जिल्ला प्रहरी कार्यालय दाङले पक्राउ गरेर उनीविरुद्ध जबरजस्तीकरणीमा मुद्धा समेत दायर गरेको जनाएको छ ।आरोपित कार्कीले सल्यान माइत जाँदै गरेकी एक महिलालाई बाटोबाटै होटलमा लगेर बलात्कार गरेको आरोप लागेको हो ।
माइत नपुगेपछि महिलाको श्रीमानले सोधपुछ तथा खोजी गर्दा आफूमाथि बलात्कार भएको भन्दै घटनाको बारे खुलासा भएको थियो ।कार्कीबिरुद्ध मुद्धा दायर भएको जिल्ला प्रहरी कार्यालय दाङले जनाएको छ ।
त्यस्तै अनुसन्धानका क्रममा महिला र कार्कीबिच पुरानै सम्बन्ध भएको पनि खुललेको प्रहरीले जनाएको छ । घटनाबारे थप अनुसन्धान भइरहेको दाङ प्रहरीको भनाइ छ ।