बेपत्ता भएको एक महिनापछि अत्तरियाका एक युवा जंगलमा भेटिए

खवर संवाददाता    

बेपत्ता भएको एक महिनापछि अत्तरियाका एक युवा जंगलमा  भेटिए

बिगत एक महिनादखि बेपत्ता भनिएका कैलालीको अत्तरियाका एक युबा आज जंगलमा तपस्या गरिरहेको अबस्थामा भेटिएका छन् । गोदावरी नगरपालिका वडा नम्बर १ बसन्तपुरका विलियम सिंह मिजार झण्डै एक महिनाअघि काठमाण्डौबाट सम्पर्क बिहिन बनेका थिए।

 बिगत २ बर्षेदेखि काठमाण्डौको एक होस्टेलमा उनी बाईबल सम्बन्धी पढाई गर्दै आएका थिए । चैत २ गतेवाट सम्पर्क बिहिन बनेको खबर आएपछि परिवारले उनको खोजी कार्य तिब्र पारेको थियो । तर, उनी एक महिनासम्म लुम्बिनीमा निराहर तपस्यामा बसेको खुलेको छ। त्यसपछि करिब ४ दिन अघि कैलालीको कुचैनी जंगलमा एक्लै तपस्यामा बसेका थिए । स्थानीयले उनी त्यहा बसेको थाहा पाएपछि परिवारलाई खबर गरेका थिए ।

अहिले उनी आफ्नो घर सकुशल फर्किएका छन् । घरमा पुगेपछि उनले आफु परमेश्वरको चाहानाले निराधार एक महिना ध्यानमा बसेको बताए । ‘म चैत्र २ गतेदेखि बैशाख २ गतेसम्म भगवानको निर्देशनमा आज्ञात स्थलमा बसेको हुँं ।’ उनले भने- ‘साधक जिबन, सकारात्मक सोच र ज्ञान बाँढनकोलागि अब अग्रसर रहने छु।’ पछिल्ला ४ दिनभने स्थानीयको आग्रह अनुसार जङलमा एक मुठी दान र एक गिलास पानी मात्रै खाएर ध्यानमा बसेको उनले बताए ।



बिहिबार ०५, बैशाख २०७६ ११:०७ मा प्रकाशित

Loading...

प्रतिकृया दिनुहोस