कैलालीको धनगढीमा विना अनुमति उपचार सेवा शुरु गरेको सारथी अस्पतालको मापढण्ड र अनुमति पत्रसहितको प्रमाणपत्र माग गरेको छ ।
सुदूरपश्चिम प्रदेश सामाजिक विकास मन्त्रालयको प्रदेश स्वास्थ्य निर्देशनालयले अस्पताललाई तीन दिनभित्र प्रमाणपत्र पेश गर्न भनि शुक्रबार पत्र पठाएको हो ।
विभिन्न सञ्चारमाध्यमले ‘अनुमति नलिएरै अस्पतालको सेवा शुरु’ भन्ने शिर्षकमा समाचार प्रकाशन गरेसंगै मन्त्रालयका सचिव गोगनबहादुर हमालसंगको छलफल पछि निर्देशनालयले सो विवरण माग गरेको निर्देशनालयका निर्देशक डाक्टर गुणराज अवस्थीले बताउनुभयो ।
‘उहाँले मापढण्ड पुरा गरे नगरेको कागजपत्र र अनुमति पत्र तीन दिनभित्र उपलब्ध गराउन भनी पत्र पठाएका र कागजपत्र उपलब्ध गराउन नसकेपछि शिल गरिने बताउनुभयो ।
डाक्टर अवस्थीको हष्ताक्षरमा निर्देशनालयले पठाएको पत्रमा भनिएको छ –‘त्यस (सारथी) अस्पतालले स्वास्थ्य संस्था स्थापना सञ्चालन तथा स्तरोन्नती मापढण्ड निर्दे्शिका २०७० पहिलो संसोधन २०७३ को मापढण्ड पुरा गरे नगरेको आवश्यक प्रमाणपत्रसहित आवश्यक प्रमाणपत्रसहित ३ दिनभित्र यस निर्देशनालयमा जानकारी पठाउन हुन अनुरोध छ ।’
सारथी अस्पतालले अनुमतिको लागि धनगढी उपमहानगरपालिका, सुदूरपश्चिम प्रदेशको सामाजिक विकास मन्त्रालय, प्रदेश स्वास्थ्य निर्देशनालयमा निवेदन दिएको भए पनि अहिलेसम्म सञ्चालन अनुमति पाएको छैन । नेपाल खाद्य संस्थानको सेती अञ्चल कार्यालयको गोदाम भाडामा लिएर अस्पतालले बिहिबारदेखि सेवा शुरु गरेको थियो ।
स्वास्थ्य संस्था स्थापना, सञ्चालन तथा स्तरोन्नति मापदण्ड सम्बन्धी (दोस्रो संशोधन) निर्दे्शिका २०७३ अनुसार अनुमति बिना कुनै पनि स्वास्थ्य संस्थाले सेवा प्रदान गराउन नपाउने व्यवस्था रहेको छ ।
स्वास्थ्यको स्पष्ट ऐन नबन्दा अहिले नया अस्पताललाई अनुमति दिने काम कतैबाट नभएको प्रदेश स्वास्थ्य निर्देशनालयले जनाएको छ ।