डडेल्धुरा।डडेल्धुरा जिल्ला परशुराम नगरपालिकाको नगर प्रमुखमा भरत बडायर जोशी निर्वाचित भएका छ्न। वैशाख ३० गते सम्पन्न भएको स्थानीय तहको निर्वाचनमा नेपाली काङ्ग्रेसबाट उम्मेदवार रहेका जोशीले ५ हजार ९४१ मत प्राप्त गरि विजयी भएका छ्न।
मंगलबार सम्पन्न मतगणनामा उनका निकटतम प्रतिद्वन्दी माओवादी केन्द्रबाट उम्मेदवार रहेका शेर सिंह माल (डायमण्ड)ले ५ हजार ८०५ मत प्राप्त गरेका हुन।
माललाई १३६ मतले पछि पार्दै जाेशी निर्वाचित भएका हुन।
सुरूवात देखि काङ्ग्रेस र माओवादीबिच कडा प्रतिस्पर्धा भएपनि अन्तिममा उम्मेदवार माललाई जोशीले पराजित गरेका हुन। एमालेबाट उम्मेदवार रहेका केशव बाेहराले २ हजार ६०६ मत मात्रै प्राप्त गरे।
नगर उप-प्रमुखमा भने माओवादी केन्द्रकि बिमला महताले ५ हजार ८८५ मत ल्याएर विजयी भएकी छिन।
उनका निकटतम प्रतिद्वन्दी नेपाली काङ्ग्रेसकि उम्मेदवार कलावती बोहराले ४ हजार ५९३ मत प्राप्त गरिन।
उनीहरू बीच १ हजार २९२ को मतान्तर रहेको छ ।
एमालेकि उम्मेदवार गोमती पन्तले भने ३ हजार २९६ मत प्राप्त गरिन।
जम्मा १२ वडा रहेको परशुराम नगरपालिकामा वडा नं १,४,५,७,९, १० र १२ गरि ७ वडामा माओवादी केन्द्रले विजय प्राप्त गरेको छ भने
वडा नं २, ३, ६, ८ र ११ गरि ५ वडामा नेपाली काङ्ग्रेसले विजय प्राप्त गरेको छ।
एमालेले भने भने कुनै पनि वडाका जित हासिल गर्न सकेको छैन ।
नवनिर्वाचित मेयर जोशी नेपाली काङ्ग्रेसको १४ औ महाधिवेशनबाट परशुराम नगरपालिकाको सभापति समेत रहेका थिए।