धनगढी । कैलालीको गोदावरी नगरपालिका वडा नम्बर ९ र धनगढी उपमहानगरपालिका १७ मा रहेको धन्चौरी पुलमा झण्डोत्तोलन गरिएको छ ।
धन्चौरी समाज विकास समन्वय मञ्चका स्थानीय युवाहरू मिलेर नेपालको राष्ट्रिय झण्डा राखेका हुन्। धन्चौरी समाज समन्वय मञ्चको कोष र बचत रकमबाट सङ्कलित भएको जम्मा २६ हजार ५ सय ५ बाट राष्ट्रिय झण्डा गाडिएको धन्चौरी समाज विकास समन्वय मञ्चका अध्यक्ष चक्र बहादुर चन्दले बताए ।
यसले समाजमा राम्रो सन्देश दिने र आन्तरिक तथा बाह्य पर्यटकको केन्द्र बन्ने विश्वास लिएको उनले बताए । उनले अगामी दिनमा फेरि पनि सामाजिक काममा यो संस्था सक्रिय भएर अघि बढ्ने समेत प्रतिबद्धता व्यक्त गरे ।
यस्तै धन्चौरि समाज समन्वय मञ्चको कोषमा पहिलो चरणमा तीस हजार रुपैयाँ समेत जम्मा भएको जनाएको छ । सो झण्डाको ज्येष्ठ नागरिक हिरालाल बोहराले एक कार्यक्रमका बिच उद्घाटन गरेका हुन् ।