बलात्कारको सिकार भएकी १० वर्षीया बालिका भारतमा आमा बनेकी छन्। पन्जाबमा बलात्कृत भएकी १० वर्षीया बालिकाले छोरालाई जन्म दिएकी छन्।
सोहाना पुलिसका अनुसार नाबालिकाको उजुरीका आधारमा ती अज्ञात व्यक्तिको खोजी भइरहेको छ। बालिकाले प्रहरीमा २०२१ मार्चमा आफू विहारमा रहेको बताएकी छन्। त्यो समयमा उनले आफूले खेतमा काम गर्नेहरूलाई खाना पुगाउने काम गर्ने गरेको बताएकी छन्।
त्यही समयमा एक युवकले आफूलाई कुरैकुरामा फसाएर एक सुनसान स्थानमा लगेको बताएकी छन्। सुनसान स्थानमा लगिसकेपछि ती युवकले आफूमाथि करणी गरेको र कसैलाई भने ज्यान मार्ने धम्की दिएको उनले बताएकी छन्। युवकले दिएको धम्कीले आफूले परिवारलाई कुनै कुरा भन्न नसकेको उनले बताएकी छन्।
डिसेम्बरमा बालिकाले पेट दुख्यो भनेकी थिइन्। अस्पतालमा लैजाँदा उनको पेटमा बच्चा भएको थाहा भएको थियो। त्यसपछि बालिकाले बालकलाई जन्म दिएकी छन्।
उनी विहारमा बलात्कृत भए पनि बच्चाको जन्म भने पन्जाबमा दिएकी छन्। पन्जाब प्रहरीले उनको उजुरीका आधारमा अनुसन्धानका लागि विहार प्रहरीलाई पत्रपठाएको जनाएको छ।