सुदूरपश्चिम प्रदेशको स्थायी राजधानी घोषणा गरिएपछि गोदावरी नगरपालिकामा जग्गा खरीद गर्नेहरुको आकर्ष बढिरहेको छ भने जग्गाको मुल्य पनि बढेको छ ।
२०७५ साल असोज १२ गतेको प्रदेश सभाको बैठकबाट दुई तिहाई बहुमतका साथ गोदावरी नगरपालिकाको वडा नम्बर २ र ४ को क्षेत्रमा पर्ने गरी स्थायी राजधानीका लागि संरचना निर्माण गर्ने निर्णय गरिएको थियो ।
सुगम र शहरी स्थानतिर बसाई सर्ने परिपाटी भएपनि राजधानी तोकिएको क्षेत्र हरी क्षेत्र नभएपनि त्यहाँ जग्गा किन्नेहरुको आकर्षण भने बढेको पाईन्छ । प्रदेश सभाले स्थायी राजधानीका लागि कैलाली जिल्लाको गोदावरी नगरपालिकाको वडा नम्बर २ र ४ मा पर्ने तेघरी स्थित गोदावरी नदीदेखि पूर्व ,गोदावरी–डडेल्धुरा सडकदेखि पश्चिम, नेपाली सेनाको ब्यारेकदेखि उत्तर–पश्चिम र अत्तरिया बजारदेखि उत्तरतिरको चारकिल्ला तोकेको छ ।
गोदावरीमा राजधानी तोकिए सगै सो क्षेत्रमा जग्गा किन्न खोज्ने मान्छेहरुको भीड बढ्न थालेको छ । जग्गा किन्नेहरुको आकर्षण बढे संगै सो क्षेत्रमा जग्गाको मुल्य समेत बढेको छ । सुदूरपश्चिम प्रदेशका पहाडी जिल्ला र कैलाली र कञ्चनपुरका बिभिन्न क्षेत्रबाट सो क्षेत्रमा जग्गा किन्न आउनेको भीड बढेको छ ।
असोज महिना भन्दा पहिले प्रति कठ्ठा ५० लाख रुपैया र सो भन्दा कम मुल्यमा कारोबार भएको जग्गा हाल प्रति कठ्ठा एक करोडमा कारोबार भइरहेको गोदावरी नगरपालिका तेघरी क्षेत्रमा बसोवास गर्दै आएका हरि सिहँ कुवरले बताए ।
उनले गोदावरीमा राजधानी तोकिए सगै जग्गाको कारोबारमा बिचौलियाहरुको सख्यामा पनि वृद्धि भएकोे बताए । तेघरीकै स्थानीय निराजन विष्टले पहाडका विभिन्न जिल्ला तथा तराईकै जिल्लाका पनि बिभिन्न ठाउँबाट जग्गा किन्न मानिसहरु आउने गरेको बताए । उनले भने पहिलेको भन्दा अहिले जग्गा किन्न आउने व्यक्तिहरुको चहलपहल धेरै बढेको उनको भनाई छ ।
तेघरीमा राजधानी तोकिए पछि जग्गाको मुल्य कारोबार अनुसार निरन्तर बढिरहेको अत्तरिया उद्योग बाणिज्य संघका अध्यक्ष अशोक देवकोटाले बताए तेघरी क्षेत्रमा राजधानी तोकिएपछि जग्गाको मुल्य मात्र बढेको छैन्, अत्तरिया क्षेत्रको ब्यापार र ब्उवसायमा पनि बृद्धि भएको सापकोटाले बताए ।
अहिले सो क्षेत्रमा उद्योगी व्यवसायी पनि आकर्षित भएको र पछिल्लो समयमा पहाडी जिल्ला बाट बसाईसरेर आउने मानिसहरुको सख्यामा वृद्धि भएको उनर्को भनाई छ ।
जग्गाको कारोबार बढेको र आफ्नो क्षेत्रमा प्रदेशको स्थायी राजधानी तोकिदाँ खुशी भएका स्थानीयहरुमा गोदावरीमा राजधानी बनाउदा ठुलो मात्रामा बनजगंल फडानी हुँदा वातावरणमा पर्ने प्रतिकूल असर प्रति भने स्थानीय निराश बनेका छन ।