काठमाडौं–श्रम, रोजगार तथा सामाजिक सुरक्षा मन्त्रालयले एक वर्षको कार्यप्रगति विवरण सार्वजनिक गरेको छ ।
मन्त्रालयले सार्वजनिक गरेको प्रगति विवरणमा प्रधानमन्त्री रोजगार कार्यक्रम, योगदानमा आधारित सामाजिक सुरक्षा योजना, न्युनतम पारिश्रमिक निर्धारण कार्यान्वयन, वैदेशिक रोजगारसँग सम्बन्धित सेवा प्रदेशस्तरबाट प्रवाह, वैदेशिक रोजगार सूचना प्रणालीलाई राखेको छ ।
योगदानमा आधारित सामाजिक सुरक्षा योजना अन्तर्गत मन्त्रालयले बनाएको मापदण्डमा सूचिकृत रोजगारदाताले कर्मचारी तथा श्रमिकको आधारभूत पारिश्रमिकको ११ प्रतिशत रकममा रोजगारदाताको तर्फबाट २० प्रतिशत थप गरी ३१ प्रतिशत बराबरको योगदान रकम मासिक रुपमा कोषमा जम्मा गर्नुपर्नेछ ।
त्यस्तै न्यूनतम पारिश्रमिक निर्धारण कार्यान्वयन अन्तर्गत सरकारले देशभर लागू हुने गरी न्युनमत पारिश्रमिकको आधारमा दैनिक ज्याला ५ सय १७ रुपैयाँ र प्रतिघण्टा ज्याला ७० रुपैयाँ तोकिएको छ ।
फागुन १ गतेदेखि लागू भएको प्रधानमन्त्री रोजगार कार्यक्रम अन्तर्गत न्यूनतम १०० दिन बराबरको रोजगारीको व्यवस्था सरकारले गर्ने कार्यक्रम तय भएको छ । रोजगारी उपलब्ध हुन नसके निर्वाह भत्ता वितरण गर्ने सरकारको तयारी छ ।
मन्त्रालयले सार्वजनिक गरेको वार्षिक प्रगति विवरणको पूर्णपाठ हेर्नुहोस्
https://drive.google.com/file/d/1fx_p0vB5CYEZl4Jvc0jdIs36TJfMvLwd/view?usp=sharing