धनगढी प्रिमियर लिग (डिपिएल) अन्तर्गत आज भएको दोस्रो खेलमा बिराटनगर किग्स ले धनगढी स्टार्स लाई २१ रनले पराजित गरेको छ ।बिराटनगर ले दिएको १ सय ४ रनको लक्ष्य पछ्याउदै जवाफी ब्याटिङ गरेको धनगढि १९ ओवर मा अलआउट हुँदै ८२ रनमा सिमित हुन पुगेपछी धनगढी पुन निराश हुन पुगेको हो ।
धनगढी का लागि सन्दिप रजाईलि ले सर्बाधिक ३४ रन र राजु रिजाल ले १५ रन बनाउनु बाहेक अन्य ब्याट्सम्यान ले उल्लेख्य योगदान गर्न नसक्दा झिनो चुनौती मा पनि धनगढी चुक्न पुग्यो ।
बलिङ तर्फ बिराटनगर लाई जित दिलाउन कप्तान करन केसि र अभिनाश यादब ले समान ४ /४ बिकेट लिए । भने सुशन भारी ले पनि २ बिकेट हात पारे ।
यसअघि फाप्ला क्रीकेट मैदान ट्स जितेर सुरुमा बिराटनगर ले ब्याटिङ गर्ने निर्णय गर्दै निर्धारित २० ओवर पुरै खेल्दै ९ बिकेटको क्षतिमा १ सय ३ रन बनाएको थियो ।
अभिनाश बोहरा र कप्तान करन केसि बाहेक अन्य ब्याट्सम्यान हरुले सम्झिनलायक पारी खेल्न नसक्दा बिराटनगर झिनो स्कोर मा रोकिएको हो ।अभिनाश ले २७ रन बनाउदा करन केसि ले २१ रनको योगदान गरे ।
यस्तै टिमका लागि आशिफ शेखले १२ , पृथु बास्कोटा ले ६ रन , हरि सङ्खर शाह ले २ रन , कुशल भुर्तेल ले ६ रन र सम्साद शेख ले ११ रन बनाए ।
यता बलिङ तर्फ धनगढी का लागि सोमपाल कामी र बिपिन कार्की ले समान ३ र३ बिकेट लिए भने रोबिन क्षेत्री ले पनि २ बिकेट हात पारे । साथै सुनिल घमला ले पनि १ बिकेट लिन सफल भए ।
जारी प्रतियोगिता मा यो धनगढीको लगातार तेस्रो हार हो । यो सगै धनगढी को प्ले अफ मा पुग्ने समीकरण कठिन बनेको छ । प्रतियोगिता मा रहि रहन पनि आजको खेल धनगढीले जित्नै पर्ने दबाब रहेको थियो ।यता बिराटनगर ले प्रतियोगिता मा पहिलो जित हासिल गरेको छ , पहिलो बिराटनगर पराजित हुन पुगेको थियो ।