सभामुख अग्निप्रसाद सापकोटाले संसदमा प्रक्रियामा रहेका विधेयक अघि बढाउने विषयमा छलफल गरेका छन् ।सभामुख सापकोटाले अहिले प्रतिनिधिसभामा संसदीय समितिका सभापतिहरुसँग छलफल गरिरहेका छन् ।
सभामुखको कार्यकक्ष सिंहदरबारमा भइरहेको छलफलमा १० वटै समितिका सभापतिहरू उपस्थित छन् ।प्रतिनिधिसभामा ३६ वटा विभिन्न विधेयकहरु प्रक्रियामा छन् । तीनलाई टुंगोमा पुर्याउनका लागि प्रक्रिया अगाडि बढाउने विषयमा सभामुखले छलफल थालेका हुन् ।
नागरिकता विधेयक, निजामति कर्मचारी सम्बन्धी विधेयक , लोक सेवा विधेयक जस्ता विधेयकहरु पास हुन सकेका छैनन् । अब प्रतिनिधिसभाको बैठक १० गते बस्दैछ ।