काठमाडौं। अहिले गण्डकी, वागमती, प्रदेश २ र १ का अधिकांश भू-भागमा आंशिकदेखि सामान्य बदली रहेको छ।
आज दिउँसो प्रदेश १, २, वागमती र गण्डकी प्रदेशमा आंशिकदेखि सामान्य बदली रही पहाडी भू-भागका एक/ दुई स्थानमा हल्का वर्षाको सम्भावना रहेको जल तथा मौसम विज्ञान विभागले जनाएको छ।
त्यस्तै गण्डकी, वागमती र प्रदेश १ का उच्च पहाडी तथा हिमाली भू-भागका थोरै स्थानमा हल्का हिमपातको अनुमान गरिएको छ।
आगामी २४ घण्टामा गण्डकी, वागमती र प्रदेश १ का उच्च पहाडी तथा हिमाली भू-भागका थोरै स्थानमा हल्का हिमपातको सम्भावना रहने छ।
मौसम पूर्वानुमान महाशाखाले देशका धेरै स्थानहरूको वायुको तापक्रममा गिरावट आउनुको साथै तराई भु-भागमा बिहानीपख वायुको पारदर्शितामा कमी भई सडक तथा हवाई यातायात प्रभावित हुन सक्ने सम्भावना रहेकोले सतर्कता अपनाउनु अनुरोध गरेको छ।