धनगढी : सशस्त्र प्रहरी बल नेपाल गुल्म हेडक्वाटर(राजश्व तथा भन्सार गस्ती सुरक्षा) कार्यालय कैलालीेको टोलीले शुक्रवार साझ भारतबाट भन्सार छलेर ल्याउँदै गरेको अवैध सामान नियन्त्रणमा लिएको छ ।
धनगढी उपमहानगरपालीका वार्ड न.२ घाट ईलाकाबाट लुकिछिपी ल्याउँदै गरेको रु ४८ हजार ५सय २० बराबरको किरानाका सामान र अटोका ब्याट्रि सशस्त्र प्रहरीको गस्ती टोलीले नियन्त्रणमा लिएको सशस्त्र प्रहरी नायब उपरीक्षक देब बहादर चन्दले जानकारी दिनुभयो ।
सशस्त्र प्रहरी नायब निरीक्षक जय बहादुर महराकोे नेतृत्वमा रहेको टोलीले बेवारिसे अवस्थामा रहेको सामान नियन्त्रणमा लिएर कैलाली भन्सार कार्यालय त्रिनगरको जिम्मा लगाएको सशस्त्र प्रहरीले जनाएको छ ।सशस्त्र प्रहरीले नेपाल–भारत सीमा क्षेत्रबाट अवैध रुपमा भित्रिदै गरेको सामान समेत नियन्त्रणमा लिदै आएको छ ।