बैतडी। भारतको झुलाघाट नाका भएर अवैध रुपमा नेपाल भित्र्याएको बिँडी सशस्त्र प्रहरीको गस्ती टोली बरामद गरेको छ । भारतबाट किनेर महाकाली नदीमा ट्युब मार्फत नेपाल ल्याएको बिँडी दशरथचन्द नगरपालिका ६ सुकुट्टीबाट बरामद गरिएको सशस्त्र प्रहरी बल नेपाल नम्बर ५१ गुल्म बैतडीका सशस्त्र प्रहरी नायव उपरीक्षक गणेश शाहले जानकारी दिए ।
सीमा नाका झुलाघाटमा रहेको सशस्त्र प्रहरीको बीओपीबाट खटिएको गस्ती टोलीले शनिबार राती १ लाख ३२ हजार बराबरको ६ पेटी बिँडी बरामद गरेको हो । बिँडी ल्याउने मान्छे भने सशस्त्रको टोली देख्ने बित्तिकै भागेको जनाइएको छ ।
बरामद गरिएको बिँडी आइतबार महाकाली भन्सार कार्यालय झुलाघाटलाई बुझाइएको सशस्त्र प्रहरी नायव उपरीक्षक शाहले जानकारी दिए ।