धनगढी : कैलालीको घोडाघोडी नगरपालिका वडा नम्बर २ साँडेपानीमा भएको दुर्घटनामा परि एक जनाको मृत्युभएको छ भने एक जना घाईते भएका छन ।
गएराती जीप र मोटरसाइकल एक आपसमा मोटरसाईकलमा सवार कैलालीको बर्दगोरिया गाँउपालिका बैनियाका ३२ वर्षीय चक्र बमको मृत्यु भएको इलाका प्रहरी कार्यालय सुखडका प्रमुख प्रहरी निरिक्षक यक्षराज जोशीले जानकारी दिए ।
दुर्घटनामा सोहि ठाउँका भजन सुनार गम्भिर घाइते भएका छन । उनको नेपालगञ्जमा उपचार भईरहेको छ ।
पश्चितमबाट पूर्वतर्फ गइरहेको से ६ प ५२२९ नम्बरको मोटरसाइकल र बिपरित दिशाबाट आइरहेको बा १८ च ८७१५ नम्बरको जीप एक आपसमा ठोकिदा दुर्घटना भएको थियो ।
जीप चालक घोडाघोडी नगरपालिका वडा नम्बर ३ जुरपानीका वीरबहादुर चौधरीलाई प्रहरीले नियन्त्रणमा लिएको छ ।