धनगढी : कैलालीको लम्कीमा छोराले दुई बुबाको हत्या गरेका छन ।
लम्कीचुहा नगरपालिका, ४ बलियाका जहरीलाल चौधरीले शुक्रवार विहान घरमै बुवा चक्रा थारु र ठुला बुवा पल्टु थारुको हत्या गरेका प्रहरीले जानकारी दिएको छ ।
जहरीलालको कुटाईबाट टाउको र बाँया कानमा चोट लागेकी आमा द्धीलबहादी देवी चौधरीको लालरत्न अस्पताल लम्कीमा उपचार भैरहेको छ ।
जहरीलाललाई प्रहरीले पक्राउ गरेको जिल्ला प्रहरी कार्यालय कैलालीका प्रहरी प्रवक्ता तथा प्रहरी नायव उपरिक्षक हरि वलीले बताए ।
घटनाको भएको कोठामा मदिरा पनि भेटिएको छ । मानसिक अवस्था ठिक नभएको जहरीलालले रक्सी सेवन गरेर बुबाको हत्या गरेको हुनसक्ने प्रहरीले अनुमान गरेको छ । घटनाबारे अनुसन्धान भईरहेको वलीले जानकारी दिए ।