धनगढी: धनगढीमा दिन दहाडै फिल्मि शैलीमा गोली प्रहार गरी रकम लुटेको अाशंकामा २ जनालाई प्रहरीले पक्राउ गरेको छ ।
धनगढीमा रहेको ग्लोवाल आईएमई सेन्टरका कर्मचारी निर्मल कार्कीलाई गोली प्रहार गरी नौ लाख रकम लुटेर भागेका दुवै जनालाई प्रहरीले अत्तरीयावाट पक्राउ गरेको जनाएको छ ।
पक्राउ परेका दुवै जनालाई जिल्ला प्रहरी कार्यालय कैलाली ल्याईरहेको कैलालीका प्रहरी प्रमुख प्रहरी उपरिक्षक विनोद घिमिरेले बताए । उनीहरुको नाम भने प्रहरीले खुलाएको छैन ।
लुटपाटमा संग्लनको पिछा गर्दै जाँदा अत्तरियामा उनीहरुलाई प्रहरीले पक्राउ गरेको हो ।
लु ४० प ४४३८ नम्वरको मोटरसाईकलमा आएका दुई जना लुटेराले धनगढीको पुरानो भन्सा रोड सव्जीमण्डीमा आईएमईका कर्मचारी कार्कीमाथि गोली प्रहार गरि सिदार्थ वैंकवाट झिकेको ९ लाख रुपैया लुटेर भागेका थिए ।
घाईते कार्कीको सेती अञ्चल अस्पतालमा उपचार भईरहेको छ । घाईतेको छातीमा दुई वटा र पाखुरामा एउटा घाउ देखिएको चिकित्सकहरुले सेती अञ्चल अस्पतालले जनाएको छ ।
सामान्य उपचारपछि घाईते कार्कीलाई रेफल गर्ने तयारी गरिएको छ ।