धनगढी : कैलालीको लम्कीमा यातायात सेवा कार्यालय स्थापनाको माग गर्दै शनिबार प्रदर्शन गरिएको छ। यातायातसँग सम्बन्धीत काम गर्न धनगढी धाउनुपर्ने बाध्यता रहेको भन्दै त्यहाँका व्यापारी, राजनीतिक दल तथा युवाहरु प्रदर्शनमा उत्रिएका छन्।
लम्कीमा सेवा कार्यालय सञ्चालनका लागि दवाव दिन गत मंगलबार संर्घष समिति गठन गरिएको थियो। समितिकै अगुवाइमा शनिबार दिउँसो लम्कीमा प्रदर्शन गरिएको हो।
संर्घष समितिका संयोजक यज्ञरुप बुढाले टीकापुर, मोहन्याल र सुखड क्षेत्रका नागरिकका लागि लक्की उपयुक्त ठाउँ भएकाले यातायात व्यवस्थाको सेवा कार्यालय सञ्चालन गर्नुपर्ने बताए। उनले धनगढी जान टाढा पर्ने र समय खेर जाने भएकाले यातायात कार्यालय लम्कीमै स्थापना हनुपर्नेमा जोड दिए।
आफ्ना माग राख्दै प्रदेशका मुख्यमन्त्री र भौतिक पूर्वाधार विकास मन्त्रीलाई ज्ञापनपत्र समेत दिने संर्घष समितिका संयोजक यज्ञ बुढाले जानकारी दिए ।