धनगढी । चिकित्सा शिक्षा सुधारका अभियान्ता डाक्टर गोविन्द केसी भोलि र पर्सि अनसन बस्दैछन् ।
डाक्टर केसी १८ औं सत्याग्रह दार्चुलाको सदरमुकाम खलंगामा बस्ने भएका छन्। उनले एक विज्ञप्ति जारी गर्दै आफ्ना तीन बुँदे मागहरु सहित दार्चुलामा भोलि र पर्सी अनसन बस्ने जानकारी दिएका हुन् ।
डा केसीको १८ औ अनशनको पहिलो माग दार्चुलालगायत सीमा क्षेत्रका बासिन्दाका लागि यातायातको सहज पहुँच निर्माण गर्नुपर्ने गुणस्तरीय स्वास्थ्य शिक्षा र रोजगारीको व्यवस्था हुनुपर्ने उल्लेख गरिएको छ ।
यस्तै भारतबाट मिचिएको नेपाली भूमि फिर्ता गर्ने प्रक्रिया तत्काल सुरु गर्नुपर्ने उनको माग छ ।
डा केसीले गण्डकी प्रदेश लगायत डडेल्धुरा, बर्दिवास, उदयपुर, इलाम लगायतका ठाउँमा सरकारी मेडिकल कलेज खोल्ने प्रक्रिया द्रुतगतिमा अघि बढाउनुपर्ने, गेटा मेडिकल कलेजलाई शीघ्र सञ्चालनमा ल्याउनुपर्ने, कर्णाली र राप्ती स्वास्थ्य विज्ञान प्रतिष्ठानमा शीघ्र एमबीबीएस कार्यक्रम सञ्चालनको व्यवस्था हुनुपर्ने माग राखेका छन् ।