पोखरा : पोखरा प्रिमियर लिग (पीपीएल) क्रिकेट प्रतियोगितामा चितवन राइनोजलाई ३ विकेटले हराउँदै पोखरा पल्टनले उपाधि जितेको छ ।
पोखरा रंगशालामा भएको फाइनलमा अन्तिम ओभरमा रोमाञ्चक जित निकाल्दै पोखराले पहिलो संस्करणको पीपीएलको उपाधि जितेको हो ।
चितवनले दिएको १ सय ६१ रनको लक्ष्य पोखराले १९.२ ओभरमा ७ विकेटको क्षतिमा भेट्टायो ।पोखराका लागि रवि इन्दर सिंह र मोहम्मद नाभिदले विष्फोटक ब्याटिङ गर्नुभयो ।
रविले ५८ बलमा १३ चौका र ३ छक्का प्रहार गर्दै ९० रन बनाएका हुन । त्यस्तै, मोहम्मद नाभिदले १४ बलमा २५ रन बनाउका थिए । पोखराका कप्तान शरद भेषावकरले २२ रन बनानुभयो भने आशिफ शेख १२ रन बनाउन सफल भएका हुन ।
बलिङतर्फ चितवनका लागि भुवन कार्कीले २ विकेट लिएका थिए । त्यस्तै, पारस, सन्नी पटेल र करण केसीले समान १र१ विकेट लिएका हुन । यसअघि टस हारेर पहिले ब्याटिङ गरेको पोखराले निर्धा्रित २० ओभरमा ५ विकेटको क्षतिमा १ सय ६० रन बनाएपछि पोखराले मध्यम स्कोरको लक्ष्य पाएको थियो ।
चितवनका लागि कप्तान पारस खड्काले अर्धशतक बनाएका हुन। उहाँले ३७ बलमा ९ चौका प्रहार गर्दै ५१ रन बनाएका थिए । त्यस्तै, चितवनका लागि सन्नी पटेलले विष्फोटक ब्याटिङ गर्नुभयो । उहाँले २१ बलमा ३ चौका र ४ छक्का प्रहार गर्दै ४३ रन बनाएका हुन ।
आरिफ शेख १४ रनमा अविजित रहे भने ओपनर अनिल कुमार शाहले ३७ रन बनाएर आउट भएका थिए। चितवनका लागि कप्तान पारस खड्का र अनिलकुमार शाहले इनिङ्स सम्हालेका थिए । पहिलो विकेटको रुपमा ९ रन हुँदा हरिशंकर शाहलाई गुमाएको चितवनले ८५ रन हुँदा दोस्रो विकेटको रुपमा पारसलाई गुमाएको थियो ।
त्यस्तै, १ सय ३५ रन हुदा चितवनले तेस्रो विकेटको रुपमा अनिललाई गुमाएको थियो । पोखराका लागि कृष्ण कार्कीले २ तथा ललितनारायण राजवंशी र मोहम्मद नाभिदले समान १र१ विकेट लिएका हुन ।
पीपीएलको विजेता पोखराले ट्रफिसहित २७ लाख नगद पुरस्कार प्राप्त गरेको छ । त्यस्तै, उपविजेता बनेको चितवनले १० लाख नगद प्राप्त गरेको छ ।९० रन बनाएका पोखराका रवि इन्दर सिंह म्यान अफ दि म्याच हुनुभयो ।