हुवावेको सब ब्राण्ड अनरले चीनमा ‘अनर म्याजिक बुक प्रो २०२०’ ल्याप्टप सार्वजनिक गरेको छ । यसको सुरुवाती मूल्य ५,९९९ यआन रहेको छ ।
१६।१ इन्च फुल एचडी प्लस डिस्प्ले रहेको यो ल्याप्टपमा १० औं पुस्ताको इन्टेलको कोर आई फाईभ र कोर आई सेभेन प्रोसेसर प्रयोग गरिएको छ ।
अनर म्याजिक प्रो २०२० मा १६ जीबी र्याम र ५१२ जीबी एसएसडी रहेको छ । यसमा अपरेटिङ सिस्टम विन्डोन १० होम राखिएको छ ।
यसमा १ मेगापिक्सेलको वेबक्याम र डुअल डिजिटल माइक्रोफोन पनि रहेको छ । यसमा ३।५ एमएमको अडियो ज्याक, कम्बो माइक्रोफोन, टाइप सी युएसबी, एचडीएमआई पोर्ट लगायतका सुविधा रहेका छन् ।