विशेष

विन्दास म्युजिक अवार्ड : टपलिष्टमा परेका कलाकारहरुको फोटो शुट तथा प्रमाणपत्र वितरण     |     २०७५ फाल्गुन ४ गते शनिबारको राशिफल     |     बाजुराका ९५ बस्ती उच्च जोखिममा     |     हिरो महिला गोल्डकप: नेपाल उपविजेता, म्यानमारले उचाल्याे उपाधि     |     डेटिङ टिप्सः यी पाँच कारणले हाँसो–ठट्टा गर्ने केटा मन पराउँछन् केटी     |     बिहान उठ्ने बित्तिकै यस्ता क्रियाकलाप गर्नाले चमत्कारिक लाभ प्राप्ती हुने, सबैको जानकारीका लागि सेयर गरौं     |     सुदुर पश्चिमेली समाज भारत मुम्बई समिति द्धारा बुद्धिमान लाई सहयोग     |     सरकारले चाहेमा निर्मलाको हत्यारा पत्ता लगाउन सक्छ, तर चाहेन : देउवा     |    

२२ वर्षे युवकले खोले आफ्नै घरमा बिरालो होटेल

एजेन्सी    

२२ वर्षे युवकले खोले आफ्नै घरमा बिरालो होटेल

भेटेरिनरी चिकित्सा विषय अध्ययनरत एक २२ वर्षीय विद्यार्थीले आफ्नो घरमा बिरालोका लागि विशेष होटेल खोलेका छन् ।उक्त होटेलमा बिरालो राख्नका लागि एक रातको चार डलर मूल्य तिर्नुपर्दछ ।

यो समाचार द्वन्द्वग्रस्त मुलुक इराकको हो । अहमद तारेक मक्की नामका ती छात्रले आफ्नो घरमा खोलेको उक्त बिरालो होटेलमा बिरालोहरुका लागि हरेक खालका सुख सुविधा उपलब्ध छन् । नरम ओछ्यान तथा मनपर्ने खानेकुरा देखि औषधि उपचारसम्म ।

बिरालोहरु खेल्नका लागि खेल मैदान पनि रहेको छ । खेल मैदानमा एसीको व्यवस्था गरिएको छ । साथै घाँसे चौरमा खेल्ने सुविधा पनि छ ।

यो बिरालो होटेल सञ्चालनपछि मानिसहरुमा बिरालो पाल्ने रुची पलाउने विश्वास उनको छ । किनकि घर छाडेर कतै जाँदा उक्त होटेलमा आफ्नो बिरालो छाड्न सक्नेछन् ।

बिरालो होटेल खुलेपछि त्यहाँका पशुप्रेमीहरु खुसी छन् । सुरुमा त केहीले त्यसको विरोध गरेका थिए । तर जब त्यहाँ पुर्याइने बिरालोहरुले पाउने सुविधा र स्याहारका बारेमा चर्चा भयो मानिसहरुको विरोध साम्य भयो ।

उक्त होटलमा अब छिटै कुकुर र पंक्षीहरुका लागि पनि सेवाको व्यवस्था सुरु गरिने बताइएको छ ।



मङ्गलबार २०, कार्तिक २०७५ १२:२१ मा प्रकाशित

Loading...

प्रतिकृया दिनुहोस