कंचनपुर : शुक्रबार कंचनपुरको वेदकोट नगरपालिका ३ मा खाना पकाउने ग्यास सिलिण्डरको ग्यास लिक भइ आगो लाग्दा २ जना घाईते भएका छन । बेदकोट नगरपालिकाको सेफ हाउसमा कार्यरत अहेव धर्मराज वडुको घरमा नया ग्यास लिएर जोडिरहेको अव्स्थामा ग्यास लिक भइ आगो बल्दा दुइजना घाइते भएका हुन ।
नया सिलिण्डर जोडने क्रममा ग्यास नबले पछी पाईपमा जमेको पानी सफा गरेर गयास बाल्न खोज्दा आगलागि भएको बताईएको छ । रेगुलेटर जोडेर ग्यास बाल्ने क्रममा आगो लागेको जनाइएको छ । उक्त ग्यासको आगोमा परि घाइते हुनेमा घरधनी धर्मराज वडु र वेदकोट नगरपालिका १ का मान बहादुर वोहरा रहेका छ्न । घाइतेहरुको शरीरको विभिन्न भागहरु जलेका छन । घाइते धर्म राज वडुको महकाली उप प्रादेशिक अस्पतालमा उपचार भैरहेको छ भने घाइते मान बहादुर वोहराको अवस्था गम्भीर भएकोले उनलाइ महाकाली उप प्रादेशिक अस्पताल महेन्द्रनगर बाट धनगढी सेती प्रादेशिक अस्पताल रिफर गरिएको महाकाली उप प्रादेशिक अस्पतालले जनाएको छ ।