विश्वभर महामारीको रूपमा फैलिंदै गएको कोरोना भाइरस (कोभिड–१९) को त्रासका कारण नेपाल कम्युनिस्ट पार्टी (नेकपा)का अध्यक्ष पुष्पकमल दाहाल प्रचण्डले अत्यावश्यक बाहेकका सम्पूर्ण कार्यक्रमहरू स्थगित गरेका छन् ।
प्रचण्डले भेटघाटसहितका सबै कार्यक्रम स्थगित गरेको उनका स्वकीय सचिव गंगा दाहालले सामाजिक सञ्जाल फेसबूकमार्फत जानकारी दिएकी हुन् । यसअघि बुधवार सरकारले अत्यावश्यकबाहेक बाहिर ननिस्कन आह्वान गरिसकेको छ ।