जवान हुन कसलाई मन नहोला ? मानिसहरु आफुलाई सकेसम्म राम्रो र जवान देखाउन अनेक उपाय गर्दछन् ।
तर कतिपय मेहनत र उपाय ब्यर्थ हुने गर्दछ । यसको एक कारण हो, अव्यवस्थित जीवनशैली र खानपान । जसले मानिसलाई उमेरभन्दा बुढो देखाउँछ । खासमा मानिसको आयु उसको छालाले संकेत गर्दछ । तसर्थ छाला स्वस्थ्य राख्न र सधै जवान देखिन यि उपाय अपनाउनु लाभदायि हुन्छ ।
१. घर भित्र कम बस्नु
घरभित्र भन्दा घर बाहिर धेरै समय बिताउने मानिसहरु अरुभन्दा जवान देखिने गर्दछन् । घर बाहिर रहँदा सूर्यको किरणबाट प्राप्त हुने भिटामिन डीले मानिसको छालामा सकारात्मक असर पार्ने भएकाले यसले कम उमेरको देखाउन मद्दत पुर्याउँछ ।
२. पारिवारिक सम्बन्ध
विवाद वा कलहमा रहने मानिस भन्दा आफ्ना साथी र परिवारसँगको राम्रो सम्बन्ध हुनेहरु जवान देखिने गर्दछन् । राम्रो सम्बन्ध भएकै कारण अनावश्यक तनाव नहुने साथै प्रत्यक्षरुपमा स्वास्थ्यमा समेत यो सम्बन्धमा असर पार्ने भएकाले लाभ मिल्दछ ।
३. शारीरिक अभ्यास
दैनिक शारीरिक अभ्यास गर्नेहरुमा पनि अन्य मानिसको तुलनामा आयु बढि हुने गर्दछ । शारीरिक अभ्यास गर्ने मानिस वास्तविक उमेरभन्दा ९ वर्ष युवा देखिने गर्दछन् । तर, शारीरिक अभ्यास दिनहुँ जारी राख्नु पर्दछ । अन्यथा यो हानिकारक पनि बन्न सक्छ ।
४. यौन सम्बन्ध
नियमित यौनसम्पर्क गर्नेहरुको पनि आयु लामो हुने गर्दछ । अन्य मानिसको तुलनामा यौन सम्पर्क गर्ने मानिसको मृत्युदरमा ५० प्रतिशत कम हुन्छ । यस्ता मानिस आफ्नो वास्तविक उमेर भन्दा जवान र फिट हुने गर्दछन् ।
५. शाकाहारी बन्नु
मांसाहारी मानिसको भन्दा शाकहारी मानिसको आयु तुलनात्मक रुपमा बढि हुने गर्दछ । शाकाहारीले खराब फ्याट कम खपत गर्छन् । यसले राम्रो पाचन प्रणाली र तौल कम पनि हुन्छ । साथै शाकाहारीहरु मांसाहारी भन्दा जवान समेत देखिन्छन् ।