औसतमा १० बर्षको कुनै बालकको तौल कति होला । पक्कै पनि २५/३० किलोग्राम वा बढिमा ३५ केजी सम्म होला । तर विश्वमा एक यस्ता बालक पनि छन् जसको वजन १० बर्षको उमेरमा १ सय ९३ किलोग्राम थियो ।
त्यति मात्र होइन जहाँ वयस्क मानिसको वजन ६०/७० किलोग्राम हुन्छ ती बालकले आफ्नो शरीरबाट १ सय १० किलोग्राम वजन त घटाएका मात्र छन् । इण्डोनेशिका आर्या परमानाले मात्र चार बर्षको अवधिमा एक सय १० किलोग्राम वजन घटाएका छन् ।
विश्वको सबैभन्दा मोटो बालकका रुपमा दर्ज भएका आर्याको वजन सन् २०१६ मा १० बर्षको हुदाँ १ सय ९३ किलोग्राम थियो । अहिले उनको वजन घटेर ८३ किलोग्रामको छ ।
यसरी वजन घटाएपछि आर्याको फोटो अहिले सामाजिक सञ्जालमा भाइरल बनेको छ । उनका अभिभावकका अनुसार जन्मदा आर्या साढे तीन किलोग्रामका थिए ।
आठ बर्षसम्म उनमा कुनै अस्वभाविक परीवर्तन देखिएन तर जब आर्या आठ बर्षका भए उनमा एकाएक भोक बढ्यो र उनी ज्यादा खान थाले । जसका कारण उनको वजन मात्र दुई बर्षमा बढेर १ सय ९३ किलोग्राम पुग्यो र उनी विश्वको सबैभन्दा मोटो बालकका रुपमा दर्ज भए ।
आर्याका पिताका अनुसार आफ्नो वजन घटाउन आर्याले निकै कडा मेहनत गरे । आफ्नो डाइट र व्यायाममा लगनका साथ काम गरे । यसका अलावा उनको एक पटक बैरिएट्रिक सर्जरी समेत भइसकेको छ । उनको अझै दुई पटक सर्जरी हुनेछ ।