नेपाली किशोर खेलाडी प्रिन्स दाहाल विश्व ब्याडमिन्टन महासङ्घको वरीयतामा जुनियरतर्फ १४औँ स्थानमा परेका छन् ।
पछिल्लो वरीयतामा ३२औँ स्थानमा रहेका प्रिन्सले १८ स्थान सुधार गरेका हुन् । विश्व वरीयतामा नेपाली खेलाडीले हासिल गरेको यो सबैभन्दा राम्रो स्थान हो ।
लगातार अन्तर्राष्ट्रिय प्रतियोगितामा सहभागी भइरहेका प्रिन्स चार महिनाअघि दुबई इन्टरनेशनल सिरिजमा उपाधि जितेपछि शीर्ष ५० वरीयतामा समावेश भएका थिए ।
पछिल्लो पटक प्रिन्स तीन हप्ताअघि भारतमा भएको जुनियर इन्टरनेशनल सिरिजको क्वाटरफाइनलमा पराजित भएका थिए ।