Dhangadhi Khabar https://www.dhangadhikhabar.com Dhangadhi Khabar - Nepal's top news portal from Far west Nepal en-US hourly 1 Copyright 2019 Tue, 21 May 2019 21:04:29 +0545 बितरणमुखी बजेट रोक्न सांसदहरुको सुझाव https://www.dhangadhikhabar.com/news/6391 Tue, 21 May 2019 18:25:48 +0545 https://www.dhangadhikhabar.com/news/6391 सुदूर पश्चिम प्रदेश सभामा मंगलबार पनि आर्थिक मामिला तथा योजना मन्त्रालयका तर्फबाट प्रस्तुत भएको आगामी आर्थिक बर्षको बजेटको सिद्धान्त, प्राथमिकता तथा प्रमुख नीति माथि छलफल भएको छ ।  
सुदूर पश्चिम प्रदेश सभामा मंगलबार पनि आर्थिक मामिला तथा योजना मन्त्रालयका तर्फबाट प्रस्तुत भएको आगामी आर्थिक बर्षको बजेटको सिद्धान्त, प्राथमिकता तथा प्रमुख नीति माथि छलफल भएको छ । 
मंगलबारको छलफलमा सत्तापक्ष र प्रतिपक्षका सासंदहरुले आगामी आर्थिक बर्षको बजेटमा बितरणमुखी योजनाहरु नराख्न सरकारलाई सुझाव दिनुभएको छ । उहाँहरुले प्रदेशको विकासका लागि प्रदेशको आर्थिक अवस्थाको अध्ययन गरी त्यसैका आधारमा बजेट बनाउनुपर्ने बताउनुभयो ।

प्रदेश सभामा भइरहेको पूर्व बजेट छलफलमा भाग लिँदै सत्तापक्ष नेकपामा सांसद मान बहादुर धामीले प्रदेशमा आर्थिक सम्बृद्धि हासिल गर्न, सुखी नेपाली सम्बृद्ध नेपालको नारालाई साकार पार्न परिणाममुखी योजनामा बजेट बिनियोजन हुनुपर्ने बताउनुभयो । उहाँले बितरणमुखी बजेटले आर्थिक सम्बृद्धिको बाटो छेक्ने हुनाले ठोस योजनाहरुमा बजेट बिनियोजन हुनु आवश्यक रहेको बताउनुभयो । 

नेकपाकै सासंद नेपालु चौधरीले सरकारले बजेटका प्राथमिकता सार्वजनिक गर्दा धेरै बिषय छुटाएकोले बजेट बनाउँदा ती विषय समेटिनु पर्ने बताउनुभयो । नेकपाकै सासंद हर्क बहादुर कुँवरले प्रदेश सरकारले प्रदेशका जनतालाई कसरी आत्मनिर्भर बनाउन सकिन्छ भन्ने विषयमा स्पष्ट खाका बनाउनुपर्ने बताउनुभयो । अहिले बजेटका प्राथमिकताहरु प्रस्तुत भएकोले अमुर्त रुपमा बोलिएका कुरामा प्रष्टता आउनुपर्ने कुँवरको भनाई छ । उहाँले प्रदेश गौरवका आयोजनामा कस्तो आयोजनालाई राख्ने प्रष्ट हुनुपर्ने बताउनुभयो । 

प्रमुख प्रतिपक्षी दल नेपाली कांग्रेसका सांसद भरत बहादुर खड्काले प्रदेशको आर्थिक अवस्थाको अध्ययन गरेर मात्रै बजेट बन्नुपर्ने बताउनुभयो । उहाँले सरकारका गतिबिधिहरुका कारण सत्तापक्षीय सांसदहरु समेत अफ्ठेरोमा परेको भन्दै सरकारको आलोचना गर्नुभयो । उहाँले सरकारले गरिरहेको आर्थिक अनुशासन बिरुद्धका कामले सिंगो प्रदेश सभा प्रतिपक्ष बन्ने अवस्था आएको बताउनुभयो । 


पूर्व बजेट छलफलमा प्रतिपक्षी सासंदहरुले चालू आर्थिक बर्षको बजेट खर्चको अवस्था निराशाजनक रहेकोले आगामी आर्थिक बर्षको बजेट समेत खर्च गर्न सक्ने हैसियत प्रदेश सरकारसित नरहेको ठोकुवा गर्नुभयो । नेपाली कांग्रेसका सांसद कुमारी नन्दा वमले जताजतै कमिसन मागेको कुरा सुनिन थालेकोल प्रदेशको नाम सुदूरपश्चिम भन्नुभन्दा पनि कमिसन प्रदेश भन्नुपर्ने अवस्था रहेको आरोप लगाउनुभयो । 
मंलबारको पूर्व छलफलमा नेकपाका सासंद लालबहादुर खड्काले समेत प्रदेश सरकारप्रति स्थानीय तहमा प्रश्न खडा भएको बताउनुभयो । उहाँले कमिसनको चर्चा ब्यापक भइरहेकोले सरकारले ध्यान दिनुपर्ने बताउनुभयो । पूर्व बजेट छलफलमा नेकपाका सांसद बल बहादुर सोडारी, देवकी मल्ल, चुन कुमारी चौधरी र प्रतिपक्षी नेपाली कांगे्रसका देवराज पाठकले पनि बोल्नुभएको थियो ।
 

]]>
फाईनल प्रवेशका लागि बुधबार रेडियो धनगढी र पश्चिम टुडे तथा एसटिएस र बी टिभि भिड्ने https://www.dhangadhikhabar.com/news/6390 Tue, 21 May 2019 17:47:57 +0545 https://www.dhangadhikhabar.com/news/6390 धनगढीमा जारी नेपाल आईस मिडिया कप फुटसल प्रतियोगिताको सेमिफाईनल समिकरण पुरा भएको छ । धनगढी : धनगढीमा जारी नेपाल आईस मिडिया कप फुटसल प्रतियोगिताको सेमिफाईनल समिकरण पुरा भएको छ । प्रतियोगिताको चौथो दिन भएका लिग चरणका खेलहरुको नतिजाले सेमिफाईनल पुग्ने चौथो टोलीको टुंगो लागेको हो ।

मंगलबार भएको खेलमा रेडियो डेलिमेलसँग बराबरी खेल्दै पश्चिम टुडे सेमिफाईनल पुग्ने चौथो टोली बनेको हो । पश्चिम टुडे र रेडियो डेलिमेलले ५—५ को बराबरी खेल्दै अन्तिम चारमा पुगेको हो । पश्चिम टुडेका लागि रोशन चौधरी र प्रदिप पाठकले दुई दुई तथा दिपक उपाध्यायले एक गोल गरे ।

रेडियो डेलिमेलका लागि सन्तोष रावत र रमेश शाहले दुई दुई तथा रविन पातलीले एक गोल गरे । पहिलो खेल गुमाएको पश्चिम टुडे दुई जित र एक बराबरीसँगै ७ अंक सहित समुह ए को उपविजेता भएर सेमिफाईनल पुगेको हो ।

यसअघि भएको एक खेलमा हार व्यहोरेको डेलिमेलले लिग चरणका अन्तिम खेलमा भने अनुमोदनलाई १३—२ ले हराउँदै ५ अंक सहित समुह एक को तेस्रो स्थानमा चित्त वुझाएको छ । सान्तवना जित हात पारेको डेलिमेलका लागि सन्तोष रावतले ९ र भानुभक्त आचार्यले चार गोल गरे । अनुमोदनका लागि श्रवण देउवा र तेज वोहोराले एक एक गोल फर्काए । 

समुह ए बाट अपराजित यात्रा कायम राख्दै १२ अंक सहित एसटिएस समुह विजेता बन्दै यसअघि नै अन्तिम चारमा पुगिसकेको छ । मंगलबार भएको अन्तिम खेलमा पनि एसटिएसले डेलीपाटीलाई १२—२ ले हराएको हो । यो जितमा सागर शाहले ६ शंकर वोहोराले चार र योगेन्द्र नायकले दुई गोल गरे । डेलीपाटीका लागि पुष्कर विकले दुई गोल फर्काए । 

समुह ए बाट विजेता बनेर एसटिएस र उपविजेता बनेर पश्चिम टुडे सेमिफाईनल पुग्दा समुह बी बाट रेडियो धनगढी विजेता र बी टिभी उपविजेता बनेर अन्तिम चारमा पुगेका छन् । वुधबार हुने पहिलो समिफाईनलमा समुह बी को विजेता रेडियो धनगढी र समुह ए को उपविजेता पश्चिम टुडे भिड्नेछन् ।

अर्को सेमिफाईनलमा समुह ए को विजेता एसटिएस टेलिभिजन र समुह बी को उपविजेता बी टिभि प्रतिस्पर्धा गर्नेछन् । दुबै सेमिफाईनलका विजेताहरुले उपाधिका लागि वुधबार नै प्रतिस्पर्धा गर्नेछन् । 

प्रतियोगिताको विजेताले नगद १५ हजार सहित ट्रफी र प्रमाणपत्र तथा उपविजेताले नगद ७ हजार सहित नगद ट्रफी र प्रमाण पत्र पाउनेछन्। त्यसैगरी उत्कृष्ट खेलाडी, उत्कृष्ट गोलरक्षक र सर्वाधिक गोलकर्ताले पनि नगद पुरस्कार पाउने आयोजक नेपाल खेलकुद पत्रकार मञ्च जिल्ला समन्वय शाखा कैलालीले जनाएको छ। 

यस प्रतियोगितालाई चौधरी गुप्रको सिजी ब्रुअरीको उत्पादन नेपाल आईसनले मुख्य प्रायोजन गरेको छ भने प्रतियोगिताको प्रवद्र्धकमा धनगढी उपमहानगरपालिका र कैलाली जिल्ला खेलकुद विकास समिती रहेका छन्। प्रतियोगिताको प्राविधिक पक्ष फ्ल्याटल्याण्ड फुटसलले गरिरहेको छ ।

]]>
गाँउपालिकाको कार्यालयमा राखिएको बम नेपाल आर्मीद्वारा निष्क्रिय https://www.dhangadhikhabar.com/news/6389 Tue, 21 May 2019 16:39:23 +0545 https://www.dhangadhikhabar.com/news/6389 बझाङ जिल्लाको छविसपाथीभेरा गाँउपालिकाको कार्यालयमा राखिएको बाल्टिन बम नेपाल आर्मी र नेपाल प्रहरीको टोलीले निष्क्रिय पारेको छ । बझाङ : बझाङ जिल्लाको छविसपाथीभेरा गाँउपालिकाको कार्यालयमा राखिएको बाल्टिन बम नेपाल आर्मी र नेपाल प्रहरीको टोलीले निष्क्रिय पारेको छ ।

मंगलबार गाँउपालिकाको मुल गेटमा अज्ञात समुहले बाल्टिन बम राखेको फेला परेपछि जिल्ला बाट नेपाली सेना र नेपाल प्रहरीको टोली घटना स्थलतर्फ गएका थिए । सोमबार राती नै कुनै अज्ञात समुहले गाँउपालिकाको कार्यालयको मुलगेटमा बम राखेको जिल्ला प्रहरी कार्यालयले जनाएको छ ।

घटना स्थालमा खटिएका असै मदन धामीका अनुसार गाँउपालिकाको मुल गेटमा राखेको बाल्टिन बम दिउँसो ३ बजे नेपाल आर्मी र नेपाल प्रहरीको संयुक्त टोलीले निष्क्रिय पारेको हो । बाल्टिन बमको वरिपरी सेतो कागजमा पुलिस दमन बन्द गर, भ्रष्ट गाँउपालिकाका अध्यक्ष अक्कल धामी मुर्दाबाद, ६२० भ्रष्टहरु मुर्दाबाद लेखिएको कागज फेला परेको जनाइएको छ ।

गाँउपालिकाको बाहिर सिसि क्यामेरा जडान गरिएको भएपनि उक्त सिसि क्यामेरा समेत फालेको प्रहरीले जनाएको छ । गाँउपालिकाको मुल गेटमा नै बम फेला परेपछि यहाँका कर्मचारी, जनप्रतिनिधीका साथै स्थानीय बासिन्दाहरु समेत त्रसित भएका छन् । उक्त बम अरु कसैले नभएर नेत्र विक्रम चन्द विप्लब समुहले राखेको हुन सक्ने आशंका रहेको जिल्ला प्रहरी कार्यालयका प्रहरी नायब उपरिक्षक सुर्य बहादुर केसिले बताए ।

गाँउपालिकामा विप्लब समुहका कार्यकर्ताहरु चन्दा माग्न गएका र चन्दा नदिए पछि बम राखेको हुन सक्ने हल्ला सुनिएको डिएसपि केसिले बताए । अहिले उक्त ठाँउको अवस्था सामान्य रहेको र शान्ति सुरक्षाका लागि प्रहरी परिचालन गरिएको डिएसपि केसिले बताए ।

]]>
अन्तराष्ट्रीय कराँते प्रतियोगिताको तयारी अन्तीम चरणमा, विभिन्न देशका खेलाडी धनगढी पुग्ने क्रम जारी https://www.dhangadhikhabar.com/news/6388 Tue, 21 May 2019 16:31:45 +0545 https://www.dhangadhikhabar.com/news/6388 सार्क राष्ट्रका विभिन्न देशहरुका ७ सय भन्दा बढी खेलाडीहरुको सहभागीता रहने प्रतियोगीताको सम्पुर्ण प्राविधिक तयारी पुरा भएको आयोजक राष्ट्रीय गोजुरियो कराते दो संघले जनाएको छ । धनगढी । धनगढीमा आयोजना हुन गइरहेको आरविए नवौ अन्तराष्ट्रीय गोजुरियो प्रतियोगीताको तयारी अन्तीम चरणमा पुगेको छ । सार्क राष्ट्रका विभिन्न देशहरुका ७ सय भन्दा बढी खेलाडी हरुको सहभागीता रहने प्रतियोगीताको सम्पुर्ण प्राविधिक तयारी पुरा भएको आयोजक राष्ट्रीय गोजुरियो कराते दो संघले जनाएको छ । 

प्रतियोगीतामा सहभागीताका लागी नेपालका विभिन्न प्रदेशहरुका टोली धनगढीका लागी प्रस्थान गरि सकेका छन् भने नेपाल बाहेकका विभिन्न देशहरुका खेलाडी तथा अफीसियलहरु पनि धनगढी पुग्नेक्रम जारी रहेको छ । भारत, बंगलादेश लगायतका देशहरुका खेलाडीहरु एवम् कोचहरु धनगढीमा पुगीसकेका छन् । 

यही जेठ ९ गते धनगढी स्थित क्षेत्रिय रंगशालामा प्रतियोगीताको भव्यरुपमा उद्घाटन गरिने प्रतियोगीताका संयोजक प्रकाश चन्दले जानकारी दिनुभयो । प्रतियोगीताको मुख्य प्रायोजक रहेको राष्ट्रवादी विकाशिल अभियानका प्रतिनिधी पनि धनगढीमा आइसकेका छन् । नेपालमा कराँतेको इतिहासमा सबैभन्दा ठुलो प्रतियोगीताका रुपमा रहेको यो प्रतियोगीताले सुदूरपश्चिम प्रदेशको समग्र विकासका क्षेत्रमा टेवापुग्ने विश्वास लिइएको छ । 

प्रतियोगितामा काता, कुमुते र टिम कुमुते गरि तीन विधामा प्रतिस्पर्धा हुने तीनै विधामा ४० स्वर्ण, ४० रजत र ८० कास्य गरी १ सय ६० पदकका लागि प्रतिस्पर्धा हुने चन्दले जानकारी दिए ।

प्रतियोगिताको प्रथम हुुने टिमले ७५ हजार पुरस्कार पाउने छ भने दोस्रो हुने टिमले ५० हजार पुरुकार पाउने छन । त्यस्तै टिम कुमुते विजेतालाई ५१ हजार, दोस्रोलाई ३१ हजार, तृतीयलाई २१ हजार प्रदान गरिने छ । 


आयोजक संस्था गोजुरियो कराते दो संघका अनुसार खेलाडी तथा अफिसियलहरुको खाना र आवासका लागी सम्पुर्ण प्रवन्ध गरिसकीएको छ । प्रतियोगीताका लागी आवश्यक प्राविधिक टिम तथा खेल खेलाउन आवश्यक पर्ने म्याटहरु समेत धनगढी पुगीसकेका छन् ।  

प्रतियोगिताको मुख्य प्रायोजकमा राष्ट्रवादी विकासशील अभियान रहेको छ भने प्रायोजकमा शुभश्रीप्यालेस धनगढी रहेको छ, भने प्रतियोगीतामा जस्मीन पेन्ट, होटेल फ्लोरा तथा ज्योती लाइफ इन्सेरेन्स सहप्रायोजकका रुपमा रहेका छन् । 


 

]]>
महिला हिंसाका उजुरी घटे https://www.dhangadhikhabar.com/news/6387 Tue, 21 May 2019 16:22:52 +0545 https://www.dhangadhikhabar.com/news/6387 स्थानीय स्तरमा न्यायिक निकाय वा विवाद समाधानका वैकल्पिक उपाय अवलम्बन गर्न सरकारले न्याय सम्पादनको अधिकार स्थानीय तहलाई दिएको छ । कैलाली : स्थानीय स्तरमा न्यायिक निकाय वा विवाद समाधानका वैकल्पिक उपाय अवलम्बन गर्न सरकारले न्याय सम्पादनको अधिकार स्थानीय तहलाई दिएको छ । स्थानीय स्तरमा रहेका सामान्य खालका विवाद मेलमिलापको माध्यमबाट समाधानका लागि न्यायिक समितिको संयोजकमा उप–प्रमुख र उपाध्यक्ष रहने व्यवस्था गरिएको छ । 

कानूनले गरेको व्यवस्थाअनुसार न्यायिक समितिले विवाद समाधानको काम गरिरहेका छन् । कैलालीको जानकी गाउँपालिकामा चालू आर्थिक वर्षमा ४३ उजुरी दर्ता भए पनि महिला हिंसाका तीन वटा मात्रै उजुरी छन् ।

टीकापुर नगरपालिकामा चालू आवको अहिलेसम्म ३२ उजुरी दर्ता छन् । महिला हिंसाका दुई उजुरी मात्र परेको छ । इलाका प्रहरी कार्यालय टीकापुरमा चालू आवको वैशाख मसान्तसम्ममा २९१ घरेलु तथा महिला हिंसाका उजुरी दर्ता भएका छन् । स्थानीय तहमा परेको उजुरीको सङ्ख्या हेर्दा महिला हिंसा भएमा न्याय खोज्न प्रहरी कहाँ जाने गरेको देखिन्छ ।

प्रहरीको तथ्याङ्कअनुसार आव २०७४÷७५ मा महिला हिंसाका ३७५ उजुरी परेका थिए । आव २०७३/०७४ मा ४१५ तथा आव २०७२/०७३ मा ४३० उजुरी परेका थिए । इलाका प्रहरी कार्यालयका प्रहरी नायब उपरीक्षक शिवबहादुर सिंह विगतको सङ्ख्या हेर्दा यस वर्ष महिला हिंसाका घटनामा कमी आएको बताउँछन् । 

'लागुऔषध र मदिराका कारण महिलामाथि बढी हिंसा हुन्छ, हामीले नियन्त्रण अभियान चलाएका छौं,' उनले भने, 'हिंसाका घटनामा कमी आएको छ ।'

गाउँपालिकाका उपाध्यक्ष र न्यायिक समितिका संयोजक उमा महतोले न्यायिक समितिमा सबैभन्दा बढी सीमा विवादका उजुरी आउने गरेको बताइन् । उनले भनिन्, 'महिला हिंसाका उजुरी कम छन्, झैझगडा, सीमा विवाद, लेनदेनलगायत उजुरी बढी आएका छन् ।'

टीकापुर नगरपालिकाका उप–प्रमुख एवम न्यायिक समितिका संयोजक केशरी रावलले धेरैजसो उजुरी मौखिम रूपमा आउने गरेको बताइन् । 'सल्लाह लिने र गोप्य परामर्श लिने धेरै छन्,' उनले भनिन् । उनले न्याय सम्पादनमा सहज होस् भनेर नगरपालिकामा इजलासको तयारी भइरहेको बताइन् ।

नेपालको संविधानले न्याय सम्पादनसम्बन्धी तीन तहको अदालतको व्यवस्था गरेको छ । न्याय सम्पादनका लागि नेपालको संविधानको धारा १२७ मा सर्वोच्च अदालत, उच्च अदालत र जिल्ला अदालतको व्यवस्था छ ।

संविधान, अन्य कानून र न्याय मान्य सिद्धान्तबमोजिम नेपालको न्यायसम्बन्धी अधिकार प्रयोगका लागि कानूनबमोजिम मुद्दा हेर्न स्थानीय स्तरमा न्यायिक निकाय वा विवाद समाधानका वैकल्पिक उपाय अवलम्बन गर्न अन्य निकाय गठन गर्न सकिने व्यवस्थाअनुरुप नै स्थानीयस्तरमा न्यायीक समिति गठन भएर सक्रिय छन् ।

स्थानीय तहमा रहेका न्यायिक समितिलाई आलीधुरी, बाँध पैनी, कुलो वा पानीघाटको बाँडफाँट तथा उपयोग, अर्काको बाली नोक्सानी गरेको, चरन, घाँस, दाउरा, ज्याला मजदूरी नदिएको, घरपालुवा पशुपक्षी हराएको वा पाएको, ज्येष्ठ नागरिकको पालनपोषण तथा हेरचाह नगरेको, नाबालक छोराछोरी, पति, पत्नीलाई इज्जत आमदअनुसार खान लाउन वा शिक्षादीक्षा नदिएको, वार्षिक २५ लाखसम्मको बिगो भएको घर बहाल र घर बहाल सुविधासम्बन्धी विवादको निरुपण गर्ने अधिकार दिइएको छ ।

]]>
काम नगर्ने कर्मचारीलाई कडा कारबाही गर्ने मन्त्री पण्डितको चेतावनी https://www.dhangadhikhabar.com/news/6386 Tue, 21 May 2019 16:13:06 +0545 https://www.dhangadhikhabar.com/news/6386 संघीय मामिला तथा सामान्य प्रशासनमन्त्री लालबाबु पण्डितले काम नगर्ने कर्मचारीलाई कडा कारबाही गर्ने चेतावनी दिएका छन्। संघीय मामिला तथा सामान्य प्रशासनमन्त्री लालबाबु पण्डितले काम नगर्ने कर्मचारीलाई कडा कारबाही गर्ने चेतावनी दिएका छन्।

मन्त्री पण्डितले सबै कर्मचारीहरूलाई उत्साहका साथ काम गर्ने वातावरण बनाउन सरकार लागि परेको दाबी गरे।

मंगलबार संघीय संसदको राज्य व्यवस्था तथा सुशासन समितिको बैठकमा ‘संघीय निजामती सेवाको गठन, सञ्चालन र सेवाको सर्त सम्बन्धमा व्यवस्था गर्न बनेको विधेयक’माथि समितिका सदस्यहरूले उठाएका विभिन्न प्रश्नको जवाफ दिने क्रममा उनले तत्काल करारमा रहेका कर्मचारीलाई हटाउने व्यवस्था नरहेको पनि स्पष्ट पारे।

उनले तत्कालका लागि खुला प्रणाली र करार दुवैबाट राष्ट्रिय आवश्यकताको आधारमा कर्मचारी नियुक्त गर्ने कानुनी व्यवस्था गर्न लागिएको बताए।

मन्त्री पण्डितले कर्मचारीहरूको मनोबल गिराउने काम सरकारबाट नहुने प्रतिवद्धता पनि दोहोर्‍याए।

जिम्मेवारी अनुसार कामै नगर्ने कर्मचारीलाई सरकारले कडा कारबाही गर्ने मन्त्री पण्डितको भनाइ छ।

]]>
अनियमितता अन्त्य गर्न नगरपालिका सहमत भएसँगै खुल्यो ताला https://www.dhangadhikhabar.com/news/6385 Tue, 21 May 2019 16:00:56 +0545 https://www.dhangadhikhabar.com/news/6385 कञ्चनपुरको शुक्लाफाँटा नगरपालिकाको योजना शाखामा सोमबार युवाको एक समूहले तालाबन्दी गरेको छ। कञ्चनपुर : कञ्चनपुरको शुक्लाफाँटा नगरपालिकाको योजना शाखामा सोमबार युवाको एक समूहले तालाबन्दी गरेको छ। नगरपालिकाले सञ्चालन गरेका योजनामा व्यापक भ्रष्टाचार भएको ठहर गर्दै स्थानीय युवाको समूहले तालाबन्दी गरेको हो। 

नगरपालिकाका इन्जिनियर तथा प्राविधिकले खुलेआम वडामा गठन भएका उपभोक्ता समितिबाट रकम माग गर्न थालेपछि त्यसको विरुद्ध कारवाहीको माग गर्दै तालाबन्दीमा उत्रिनु परेको युवा दिपक भट्टले बताए।

प्रविधिकहरूका अवांच्छित क्रियाकलापलाई तत्काल नियमन, अनुगमन गरी दोषीमाथि कारवाही हुनुपर्ने, विना प्रक्रिया भर्ना गरिएका कर्मचारीलाई तत्काल खारेज गरी नियम अनुसार पदपूर्ति गर्नुपर्ने र  सरकारी सवारी साधन सरकारी काम बाहेक अन्य काममा प्रयोग गर्न नपाइने गरी नियन्त्रण गर्न युवाले माग गरेका छन। 

कार्यालयमा हुने ढिलासुस्ती अन्त्य गर्नु पर्ने, निजी सवारी साधानहरू अनावश्क रुपमा प्रयोग गरी नगरपालिका कार्यालयबाट भुक्तानी गर्ने देखिएकोले तत्काल त्यस्ता कार्य रोक्नु पर्ने, पेट्रोल, सञ्चार, अनावश्यक भत्ता दिने कार्य रोक्नु पर्ने र  नगर भित्रका सम्पूर्ण सर्वाजनिक स्थलहरू व्यापक रुपमा अतिक्रमण भइरहेकाले तत्काल अतिक्रमण मुक्त गरी संरक्षण गर्नु पर्ने माग अघि सारिएको युवा जीवन धामीले बताए।

वडा नं १० को पानी पिच गर्ने क्रममा नगरपालिकाका इन्जिनियरले ८० हजार रकम माग गरेका कुरा सार्वजनिक भएकाले त्यसको सत्य तथ्य पत्ता लगाई दोषी देखिए कारवाही प्रक्रिया अगाडि बढाउनु पर्ने उनको भनाई रहेको छ।
 

]]>
गाउँपालिकाको मूल ढोकामा शंकास्पद वस्तु फेला https://www.dhangadhikhabar.com/news/6384 Tue, 21 May 2019 15:40:12 +0545 https://www.dhangadhikhabar.com/news/6384 जिल्लाको छबिस पाथिभेरा गाउँपालिका कार्यालयको मुल ढोकामा शंकास्पद वस्तु फेला परेको छ। बझाङ : जिल्लाको छबिस पाथिभेरा गाउँपालिका कार्यालयको मुल ढोकामा शंकास्पद वस्तु फेला परेको छ। मंगलबार बिहान ९ बजेतिर कार्यालयको मूल ढोका अगाडि टाइम बम लेखिएको कागज टाँसिएको अवस्थामा शंकास्पद वस्तु फेला परेको जिल्ला प्रशासन कार्यालय बझाङले जनाएको छ।

शंकास्पद वस्तु बम हुनसक्ने अनुमान गरिएको छ। ‘शंकास्जद बस्तु फेला परेको जानकारी पाएपछि हामीले नेपाली सेनाको टोली पठाएको छौँ’ सहायक प्रमुख जिल्ला अधिकारी राम बहाद्रर शार्कीले भने, 'सेनाको टोली घटनास्थलमा पुगेपछि थप तथ्य हुन्छ।’

बझाङ सदरमुकामबाट नेपाली सेनाको टोली त्यस तर्फ गइसकेको उनले बताए। गाउँपालिकाको कार्यालय छबिसपाथिभेरा गाउँपालिका वडा नम्बर ५ मा पर्दछ।  जिल्ला प्रहरी कार्यालय बझाङले पनि शंकास्जद वस्तु फेला परेको र बम भए नभएको पुष्टि हुन नकसकेको जनाएको छ।

‘सेना पुगिसकेको छ, त्यसपछि बम भए नभएको पुष्टि हुन्छ’ जिल्ला प्रहरी कार्यालय बझाङका प्रमुख प्रहरी नायव उपरिक्षक सूर्य केशीले बताए। उक्त वस्तु कसले राखेको हो भन्ने विषयमा अनुसन्धान भइरहेको बताए।
 

]]>
आगामी आर्थिक बर्षको बजेटको सिद्धान्त, प्राथमिकता र प्रमुख नीतिबारे छलफल प्रारम्भ https://www.dhangadhikhabar.com/news/6383 Tue, 21 May 2019 15:17:35 +0545 https://www.dhangadhikhabar.com/news/6383 सुदुरपश्चिम प्रदेशको आर्थिक मामिला तथा योजना मन्त्रालयका तर्फबाट प्रस्तुत भएको आगामी आर्थिक बर्षको बजेटको सिद्धान्त,प्राथमिकता तथा प्रमुख नीति माथि प्रदेश सभामा छलफल शुरु भएको छ । धनगढी : सुदुरपश्चिम प्रदेशको आर्थिक मामिला तथा योजना मन्त्रालयका तर्फबाट प्रस्तुत भएको आगामी आर्थिक बर्षको बजेटको सिद्धान्त,प्राथमिकता तथा प्रमुख नीति माथि प्रदेश सभामा छलफल शुरु भएको छ । 

आर्थिक मामिला तथा योजना मन्त्री झपटबहादुर बोहराले पूर्व बजेट छलफलका रुपमा बजेटको सिद्धान्त, प्राथमिकता तथा प्रमुख नीति माथि छलफल प्रारम्भ गरियोस भनि राख्नुभएको प्रस्तव पारित भएपछि सभामा पूर्व बजेट छलफल प्रारम्भ भएको हो । 

पूर्व बजेट छलफलका क्रममा प्रदेश सभा बैठकमा बोल्ने अधिकांश ससांदहरुले सरकारले बजेट बनाउँदा कृषि र उद्योगलाई प्राथमिकतामा राख्न माग गरेका छन् । सभा बैठकमा बोल्दै नेकपाका सचेतक अक्कल बहादुर रावलले आगामी आर्थिक बर्षमा सरकारले कृषि र उद्योगलाई प्राथमिकतामा राखेर बजेट बनाउनुपर्ने बताउनुभयो ।

नेकपाकै सासंद बीरमान चौधरीले सरकारले कृषिलाई ब्यावसायिक बनाउने तर्फ बजेटलाई केन्द्रित गर्नुपर्ने बताउनुभयो । सो पार्टीका केन्द्रीय सदस्य समेत रहनुभएका उहाँले कृषिलाई आधुनिकिकरण गर्ने, ब्यवसायिकीकरण गर्ने नीति लिने, तर जमिनलाई खण्डीकरण हुन दिने कुरा परस्पर विरोधी हुने भएकोे कृषिलाई आधुनिकिकरण गर्न जमिनको खण्डीकरण रोकिनुपर्ने बताउनुभयो । 

नेकपाकै सासंद पूर्णा जोशीले हालसम्म एक दुई बोट, फलपूल, केही क्वीन्टल बीउ, वितरण गरेर गुजारामुखी कृषिलाई प्रवद्र्धन गरिदै आएकोमा ब्यवसायिक कृषिका लागि नीति बन्नु पर्नेमा जोड दिनुभयो । उहाँले दुई चार बोट बाँडेर कृषि ब्यवसायिक हुन नसक्ने बताउनुभयो ।

सासंद जोशीले आगामी आर्थिक बर्षकोबजेटमा शिक्षामा गुणस्तर कायम गर्न गरिब तथा निमुखम जनताा सन्तानल निशुल्क पढ्न पाउने गरी प्रदेशका नौ वटै जिल्लामा कम्तिमा एक विद्यालय काठमाण्डौको बुढानिलकण्ठ स्कुल जस्तै मोडेलमा सञ्चचालन गर्ने कार्यक्रम ल्याउन माग गर्नुभयो । 

प्रमुख प्रतिपक्षी नेपाली कांगे्रस का सांसद कर्ण बहादुर मल्लले चालू आर्थिक बर्षको विकास खर्च निराशाजनक रहेको अवस्थामा नया आर्थिक बर्षबो बजेट माथि पूर्व बजेट छलफल प्रारम्भ गरिएको भन्दै सरकारमाथि ब्यंग्य गर्नुभयो । उहाँले पूर्व बजेट छलफलका लागि तयार पारिएको पत्रमा काम गर्ने तदारुकता भन्दा उत्कृष्ट शब्द चयनमा बढी ध्यान केन्द्रित गरिएको भन्दै सरकारको आलोचना गर्नुभयो । 

यस्तै राजपाका सासंद कृष्ण बहादुर चौधरीले पनि सरकारले आगामी आर्थिक बर्षको बजेटमा आर्थिक सम्बृद्धिका लागि कृषिलाई नै प्राथमिकतामा राख्नुपर्ने बताउनुभयो । उहाँले साना किसानहरुको सिंचाईको समस्या समाधानमा सरकारले बिशेष जोड दिनुपर्ने बताउनुभयो । 
 

]]>
पाँचथरमा २ परिवारका ९ जनाको विभत्स हत्या https://www.dhangadhikhabar.com/news/6382 Tue, 21 May 2019 15:08:20 +0545 https://www.dhangadhikhabar.com/news/6382 पाँचथरमा ९ जनाको विभत्स हत्या भएको छ । जिल्लाको मिक्लाजुङ गाउँपालिका-३, आरुबोटे भन्ने स्थानमा गएराति दुई परिवारका ९ जनाको धारिलाे हतियार प्रयाेग गरी हत्या भएको हो । १ बालिका घाइते छिन् । पाँचथरमा ९ जनाको विभत्स हत्या भएको छ । जिल्लाको मिक्लाजुङ गाउँपालिका-३, आरुबोटे भन्ने स्थानमा गएराति दुई परिवारका ९ जनाको धारिलाे हतियार प्रयाेग गरी हत्या भएको हो । १ बालिका घाइते छिन् ।

जिल्ला प्रहरी कार्यालय, पाँचथरका प्रहरी निरीक्षक अनील पौडेलले एक परिवारको पाँच र अर्को परिवारको ४ गरी ९ जनाको हत्या भएको पुष्टि गरे ।

हत्या गरिएकामा ४१ वर्षीय धनराज शेर्मा, ६ वर्षीया इक्सा शेर्मा, १३ वर्षीया योवना शेर्मा, आठ वर्षीया मुना शेर्मा र १२ वर्षीया आशिका खजुम लिम्बू छन् । त्यसैगरी, फियाक परिवारका ७४ वर्षीय वमबहादुर फियाक, उनकी श्रीमती तथा ३६ वर्षीया जस्मिता फियाक र २६ वर्षीया मनकुमारी फियाकको पनि हत्या भएको छ ।

शेर्मा र फियाक नाताले ज्वाइँ–ससुरा हुन् । उनीहरुको घर २ किलोमिटर वरपर छ । १२ वर्षीया सीता खजुम भने भागेर बाँच्न सफल भएकी छन् । उनी गम्भीर घाइते छिन् । प्रहरीका अनुसार, उनलाई उपचारका लागि अस्पताल लगिएको छ ।

मध्यराति घटना भए पनि स्थानीयवासीले बिहान मात्रै थाहा पाएका थिए । घटनाबारे जानकारी पाएलगत्तै प्रहरी टाेली घटनास्थलतर्फ लागेको प्रहरी निरीक्षक पौडेलले जानकारी दिए ।

घटनास्थल मिक्लाजुङ पाँचथर सदरमुकाम फिदिमबाट ६५ किलोमिटर दक्षिण पर्छ ।  आरुबोटे विकट र त्यहाँ जाने बाटो कच्ची भएकाले घटनास्थल पुग्न केही समय लाग्ने बताइएको छ ।

]]>
मंगलबार अमेरिकी डलरसहित सबै विदेशी मुद्राको भाउ घट्यो https://www.dhangadhikhabar.com/news/6381 Tue, 21 May 2019 14:59:36 +0545 https://www.dhangadhikhabar.com/news/6381 सोमबार स्थिर रहेको अमेरिकी डलरसहित सबै विदेशी मुद्राको भाउ मंगलबार केही पैसा घटेको छ । सोमबार स्थिर रहेको अमेरिकी डलरसहित सबै विदेशी मुद्राको भाउ मंगलबार केही पैसा घटेको छ ।

आज मंगलबारका लागि नेपाल राष्ट्र बैंकले एक अमेरिकी डलरको खरिददर १११ रुपैयाँ २८ पैसा र बिक्रीदर १११ रुपैयाँ ८८ पैसा तोकेको छ । हिजो खरिददर ११२ रुपैयाँ ०६ पैसा र बिक्रीदर ११२ रुपैयाँ ६६ पैसा तोकेको थियो ।

यस्तै साउदी रियाल १ को खरिददर २९ रुपैयाँ ६७ पैसा र बिक्रीदर २९ रुपैयाँ ८३ पैसा छ । हिजो सोमबार खरिददर २९ रुपैयाँ ८८ पैसा र बिक्रीदर ३० रुपैयाँ ०४ पैसा थियो ।

आज कतारी रियाल १ को खरिददर ३० रुपैयाँ ५६ पैसा र बिक्रीदर ३० रुपैयाँ ७३ पैसा तोकिएको छ । हिजो खरिददर ३० रुपैयाँ ७८ पैसा र बिक्रीदर ३० रुपैयाँ ९४ पैसा थियो ।

यूएई दिर्हाम १ को खरिददर ३० रुपैयाँ ३० पैसा र बिक्रीदर ३० रुपैयाँ ४६ पैसा छ । हिजो खरिददर ३० रुपैयाँ ५१ पैसा र बिक्रीदर ३० रुपैयाँ ६७ पैसा रहेको थियो ।

मंगलबार मलेसियन रिंगिट १ को खरिददर २६ रुपैयाँ ६५ पैसा र बिक्रीदर २६ रुपैयाँ ७९ पैसा छ । सोमबार खरिददर २६ रुपैयाँ ८३ पैसा र बिक्रीदर २६ रुपैयाँ ९७ पैसा थियो ।

यस्तै कुवेती दिनारको १ को खरिददर ३६५ रुपैयाँ ६४ पैसा र बिक्रीदर ३६७ रुपैयाँ ६२ पैसा तोकिएको छ । हिजो खरिददर ३६८ रुपैयाँ ५६ पैसा र बिक्रीदर ३७० रुपैयाँ ५३ पैसा तोकिएको थियो ।

बहराइन दिनार १ को खरिददर २९५ रुपैयाँ १८ पैसा र बिक्रीदर २९६ रुपैयाँ ७७ पैसा छ । हिजो खरिददर २९७ रुपैयाँ २४ पैसा र बिक्रीदर २९८ रुपैयाँ ८३ पैसा थियो ।

कोरियन वन एक सयको खरिददर ९ रुपैयाँ ३२ पैसा र बिक्रीदर ९ रुपैयाँ ३७ पैसा रहेको छ । हिजो खरिददर ९ रुपैयाँ ३८ पैसा र बिक्रीदर ९ रुपैयाँ ४३ पैसा रहेको थियो ।

]]>
गाउँलेले गाली गरेको भन्दै जनप्रतिनिधि सुरक्षा माग्दै सदरमुकाममा https://www.dhangadhikhabar.com/news/6380 Tue, 21 May 2019 11:56:31 +0545 https://www.dhangadhikhabar.com/news/6380 खप्तड छान्ना गाउँपालिका–६ का जनप्रतिनिधिसहित कर्मचारी सुरक्षाको माग गर्दै सदरमुकाम आएका छन् । बझाङ : खप्तड छान्ना गाउँपालिका–६ का जनप्रतिनिधिसहित कर्मचारी सुरक्षाको माग गर्दै सदरमुकाम आएका छन् ।

वडाध्यक्ष तिलकबहादुर खड्का र सचिव दीपक खड्कालगायत जनप्रतिनिधि तथा कर्मचारी सदरमुकाम चैनपुर आएका हुन् ।

आइतबार गाउँपालिकाको आयोजनामा वडास्तरीयअन्तर्गतका मावि र निमावि तहबीच पोषण, महीनावारी स्वच्छतासम्बन्धी वक्तृत्वकला कार्यक्रमको शुरुआत गरिरहेका बेला वडा कार्यालय नजीकै घर भएका डबलबहादुर खड्काले शिक्षक र जनप्रतिनिधिलाई गालीगलौच तथा दुव्र्यवहार गरेपछि सुरक्षाको माग गर्दै सदरमुकाम आएका वडाध्यक्षले जानकारी दिए ।

महिला जनप्रतिनिधि कृष्णा थापाले दुव्र्यवहार गर्ने खड्कासहित छोराहरूले महिलाको समेत गाली बेइज्जती गरेको हुँदा वडा कार्यालयमा आउन जानसमेत डर लाग्ने गरेको बताइन् ।

पाटादेवलमा खड्का परिवारको बाहुल्यता रहेको र उनीहरूले जहिले पनि पाटादेवलमा धम्की, झैझगडा गरी आफ्नो मातहतमा वडा कार्यालय चलाउनुपर्ने दबाब दिने गरेको समेत जनप्रतिनिधिहरूको गुनासो छ ।

जिल्ला प्रशासन कार्यालयमा पत्रकार सम्मेल गर्दै जनप्रतिनिधिहरूले खड्का परिवारबाट आफूमाथि धेरै अन्याय गरिएको र सहेर बसेको बताएका छन् ।

दुव्र्यवहारको आरोप लागेका खड्काका छोरा त्रिभुवनले जनप्रतिनिधिले हातपात गरेकाले आफूहरूले प्रतिकार गरेको बताए ।

सहायक प्रजिअ राम सार्कीले यस विषयमा सबैलाई बोलाएर छलफल गरिने जानकारी दिए ।

]]>
सिद्धूलाई कांग्रेसले कार्वाही गर्ने https://www.dhangadhikhabar.com/news/6379 Tue, 21 May 2019 11:45:04 +0545 https://www.dhangadhikhabar.com/news/6379 कांग्रेस नेता तथा मन्त्री नवजोत सिंह सिद्धूलाई कांग्रेसले कार्वाही गर्ने भएको छ । कांग्रेस नेता तथा मन्त्री नवजोत सिंह सिद्धूलाई कांग्रेसले कार्वाही गर्ने भएको छ । सिद्धूको बयानबाट धेरैजसो मन्त्री उनको विपक्षमा गएपछि उनलाई पार्टीले कार्वाही गर्ने भएको हो । 

पंजाबको मामलामा आशा कुमारी पनि सिद्धूसंग रिसाएसंगै माहोल बिग्रिएको हो । सिद्धूलाई लोकसभा चुनावको परिणाम आएपछि कार्वाही हुने बुझिएको छ । 

सोमबारको मन्त्रिपरिषद बैठकमा मन्त्री सुखजिन्दर सिंह रन्धावा, पृप्त राजिन्दर सिंह बाजवा, साधू सिंह धर्मसोतले सिद्धूको बेतुके बयानबाजीप्रति असन्तुष्टि जनाएका हुन् । 

उनीहरुले कुनै गुनासो भए मन्त्रिपरिषदमै भन्नुपर्ने र बाहिर गएर नाराबाजी गर्नुको अर्थ नभएको बताएका छन् । 

सिद्धूले त्यस्ता व्यक्तिलाई ठोकिदेउ जसले मिलेर काँग्रेसको ढाडमा छुरा घोपेका छन् भनेका थिए । उनले गुरु ग्रन्थ साहिबको पन्जाबी आत्मामा चोट पुगेको र सबै सिख समुदाय आहत भएको भन्दै केही काँग्रेसी नेताकै कारण यस्तो भएको बताएका थिए । 

वन मन्त्री साधु सिंह धर्मसोतले यदि सिद्धूले क्याप्टेनको साथमा काम गर्न सक्दैनन् भने मन्त्री पदबाट राजीनामा दिए हुने बताएका छन् । 

सिद्धू आफ्नी पत्नी डा नवजोत कौर सिद्धूलाई चन्डिगढबाट लोकसभामा कांग्रेसले टिकट नदिएपछि भड्किएको बताइएको छ ।

अन्तिम समयमा आएर कौर सिद्धूको ठाउँमा पूर्व रेल मन्त्री पवन बन्सललाई टिकट दिइएको थियो । 

]]>
तरकारीको मूल्य अकाशियो https://www.dhangadhikhabar.com/news/6378 Tue, 21 May 2019 11:28:14 +0545 https://www.dhangadhikhabar.com/news/6378 मागअनुसारको उत्पादन नभएपछि डोटीमा तरकारीको मूल्य अकाशिएको छ । डोटी : मागअनुसारको उत्पादन नभएपछि डोटीमा तरकारीको मूल्य अकाशिएको छ । यहाँका होटेल तथा स्थानीयका भान्सामा दैनिक प्रयोग हुने खाद्यान्न तथा तरकारीको मूल्य अकाशिएको हो ।

तरकारीको मूल्य अत्यधिक बढेपछि सबैभन्दा बढी गरीब र विपन्न वर्ग प्रभावित भएका छन् । दिपायल पिपल्लाका स्थानीय किरण भण्डारीले भने, ‘आवश्यकताअनुसार तरकारी उत्पादन हुन नसकेपछि यहाँ तरकारीको मूल्यमा अत्यधिक वृद्धि भएको छ ।’

‘तराईबाट आयात गरिएको तरकारीको भाउ बढेपछि दैनिक मजदूरी गरी खाने वर्ग सबैभन्दा बढी मारमा परेका छन,’ उनले भने । यहाँका तरकारी बजारमा सबैभन्दा बढी गोलभेँडाको भाउ बढेर प्रतिकिलो २ सय रुपैयाँ पुगेको स्थानीय उपभोक्ताहरू बताउँछन् । केही दिन पहिले प्रतिकिलो सय रुपैयाँमा पाउने गरेको गोलभेँडा एकाएक दुई गुणाले वृद्धि भएको स्थानीय उपभोक्ता सोनु कामीले बताए ।

उनले भने, ’प्रतिकिलो सय रुपैयाँमा पाइने गोलभेँडा मूल्य अहिले दुई सय रुपैयाँ पुगेको छ । काउली, सिमलगायतका तरकारीको भाउ पनि अत्यधिक बढेको छ, यसले हामीलाई धेरै समस्या भएको छ ।’ पर्याप्तमात्रामा पानी नहुँदा यहाँका कृषकले बेमौसमी तरकारी खेती निकै कम गर्दै आएका कारणले पनि तराई र भारतका विभिन्न स्थानबाट तरकारी आयात गर्नु परेको छ ।

महँगो मूल्यमा आयात गर्नुपरेकाले मूल्यवृद्धि भएको देउवा तरकारी पसल पिपल्लाका व्यापारी लोकबहादुर देउवाले बताए । उनले भने, ’जिल्लामा तरकारी पाउन छोड्यो, तराईबाट तरकारी आयात गर्नु परेका कारण मूल्यवृद्धि भएको हो ।’

डोटीमा छिमेकी जिल्ला डडेल्धुरा, कैलाली, कञ्चनपुर र सीमावर्ती भारतीय जिल्लाबाट समेत तरकारी आयात हुँदै आएको छ । स्थानीय बजारमा अहिले आलु प्रतिकिलो १ सय, लौका प्रतिकिलो ८०, हरियो खुर्सानी प्रतिकिलो १५०, स्मिला प्रतिकिलो ९० कम बिक्री भइरहेका छन् । यतिमात्र नभई यहाँको बजारमा तरकारीको मूल्य एकरुपता नभएका कारण व्यापारीले पसले पिच्छे तरकारीको मूल्य अलग अलग लिने गरेको उपभोक्ताको गुनासो छ ।

यहाँका तरकारी पसलमा पसलैपिच्छे अलग÷अलग मूल्य लिइँदै गरे पनि मूल्यमा एक रूपता दिन सम्बन्धित निकायले कुनै चासो नदेखाएको दिपायलका स्थानीय हर्कबहादुर बमले बताए । उनले भने, ’पसलेपिच्छे अलगअलग मूल्य लिइन्छ तर मूल्यमा एक रूपता दिन कसैले चासो देखाएका छैनन् ।’

]]>
अनियमितता अन्त्य गर्ने सहमती पछि ताला खुल्यो https://www.dhangadhikhabar.com/news/6377 Tue, 21 May 2019 10:15:34 +0545 https://www.dhangadhikhabar.com/news/6377 कञ्चनपुरको शुक्लाफाँटा नगरपालिको योजना शाखामा लगाइएको ताला खुलेको छ । कञ्चनपुर : कञ्चनपुरको शुक्लाफाँटा नगरपालिको योजना शाखामा लगाइएको ताला खुलेको छ । भ्रष्टाचारीलाई कारबाहीको माग गर्दै लगाइएको ताला केही घण्टामा नै खोलिएको हो ।

नगर प्रमुख दिलबहादुर ऐरको अध्यक्षतामा बसेको बैठकले कार्यपालीकाको बैठकमा पहिलो एजेण्डाका रूपमा युवाहरूले उठाएका मागबारे छलफल गर्ने निर्णय गरेपछि ताला लगाउने व्यक्तिहरूले उक्त ताला खोल्न सहमति जनाएका हुन । माग सम्बोधन गर्ने लिखित सहमती भएपछि तलाबन्दी खोलिएको ताला लागउनेमध्येका दिपक भट्टले बताए ।

भट्टका अनुसार नगरपालिकाको प्राविधि शाखाबाट भएका गल्ती कमजोरीलाई सुधार गर्दै लैजाने, प्रकृया नपुगी भर्ना गरिएका कर्मचारीलाई खारेज गरी नियमअनुसार भर्ना प्रकृया अगाडि बढाउने र सवारी साधनको दुरुपयोग रोक्नका लागि लिखित सहमती गरेपछि तालाबन्दी खोलिएको हो ।

नगरपालिकाका योजना शाखाका कर्मचारीहरूले खुलेआम वडामा गठन भएका उपभोक्ता समितिबाट रकम माग गर्न थालेपछि त्यसको विरुद्ध कारबाहीको माग गर्दै युवाहरूले तालाबन्दी गरेका थिए ।

सरकारी सवारी साधन सरकारी कामबाहेक अन्य काममा प्रयोग गर्न नपाइने गरी नियन्त्रण गर्नु पर्ने, कार्यालयमा हुने ढिलासुस्ती अन्त्य गर्नु पर्ने, नीजि सवारी साधान अनावश्क रूपमा प्रयोग गरी नगरपालिका कार्यालय बाट भुक्तानी गर्ने देखिएकोले तत्काल त्यस्ता कार्य रोक्नुपर्ने माग युवाहरूको थियो । यसैगरी, युवाहरूले पेट्रोल, सञ्चार, अनावश्यक भत्ता दिने कार्य रोक्नुपर्ने र नगर भित्रका सम्पूर्ण सर्वाजनिक स्थल व्यापक रूपमा अतिक्रमण भइरहेकाले तत्काल अतिक्रमण मुक्त गरी संरक्षण गर्नुपर्ने माग गरेका थिए ।

]]>
गाडी किन्नमै ११ करोड रुपैयाँ खर्च https://www.dhangadhikhabar.com/news/6376 Tue, 21 May 2019 09:07:04 +0545 https://www.dhangadhikhabar.com/news/6376 डोटी जिल्लाका ९ स्थानीय तहले डेढ वर्षको अवधिमा गाडी खरीदमा झण्डै ११ करोड रुपैयाँ खर्च गरेका छन् । डोटी : डोटी जिल्लाका ९ स्थानीय तहले डेढ वर्षको अवधिमा गाडी खरीदमा झण्डै ११ करोड रुपैयाँ खर्च गरेका छन् । स्थानीय तहको निर्वाचन भइसकेपछि २०७४ साउनदेखि २०७५ चैतसम्मको अवधिमा १० करोड ९३ लाख ८६ हजार ८२९ रुपैयाँ गाडी खरीदमा खर्च भएको पाइएको छ ।

गाडी खरीदमा सबैभन्दा धेरै खर्च पूर्वीचौकी गाउँपालिकाले गरेको पाइएको छ । नगरपालिकाभन्दा यहाँका गाउँपालिकाले गाडी खरीद बढी गरेका छन् । जिल्लाका अधिकांश स्थानीय तहसँग एक्साभेटर र डोजर छन् । कतिपय किन्ने तयारीमा छन् । तर, डोजर प्रयोगको नीति नियम पालना भएको छैन ।

पूर्वीचौकीले अहिलेसम्म दुई करोड ६७ लाख ५५ हजार ६५२ रुपैयाँ विभिन्न सवारी साधन खरीदमा खर्च गरेको छ । दश मोटरसाइकल खरीदमा २४ लाख ९७ हजार २०० रुपैयाँ खर्च भएको छ । त्यस्तै ३७ लाख २० हजार रुपैयाँमा पिकअप जीप, एक करोड २३ लाख ६२ हजार ४५० रुपैयाँमा एक्साभेटर खरीद गरिएको छ । यसैगरी ८१ लाख ७६ हजार रुपैयामा दुईवटा बस पनि गाउँपालिकाले किनेको छ ।

शिखर नगरपालिकाले एक करोड ५४ लाख २९ हजार ३०० रुपैयाँ खर्च गरेर विभिन्न गाडी किनेको पाइएको छ । दुई नगर बसमा ५६ लाख ६० हजार रुपैयाँ, टिप्परमा ३८ लाख ६९ हजार रुपैयाँ, जीपमा ३६ लाख ९५ हजार रुपैयाँ, आठ मोटरसाइकल खरीदमा २० लाख २६ हजार ४०० रुपैयाँ र एउटा स्कुटरमा एक लाख ७८ हजार ९०० रुपैयाँ खर्च गरेको देखिएको छ । 

दिपायल सिलगढी नगरपालिकाले एक करोड छ लाख ८७ हजार ४८९ रुपैयाँमा गाडी खरीद गरेको छ । यो नगरपालिकाले ३४ लाख आठ हजार ६५० रुपैयाँमा १५ मोटरसाइकल खरीद गरेको पाइएको छ । त्यस्तै दुई नगर बसमा ५१ लाख ९० हजार रुपैयाँ, एउटा ट्याक्टरमा १६ लाख ३८ हजार ८८४ रुपैयाँ र सक्सनम ट्याङ्कमा चार लाख ५० हजार खर्च गरेको छ । 

बडीकेदार गाउँपालिकाले विभिन्न गाडी खरीदमा एक करोड ८१ लाख ७९ हजार १०० रुपैयाँ खर्च गरेको छ । यो गाउँपालिकामा एक करोड २० लाख रुपैयाँमा एउटा सडक खन्ने एक्साभेटर, ३८ लाख ७० हजार रुपैयाँमा एउटा पिकअप जीप र २३ लाख ९ हजार १०० रुपैयाँमा ९ मोटरसाइकल खरीद गरिएको छ ।

त्यस्तै सायल गाउँपालिकाले गाडी खरीदमा एक करोड ५६ लाख १६ हजार २०० रुपैयाँ खर्च गरेको पाइएको छ । यो गाउँपालिकाले सात लाख ४६ हजार २०० रुपैयाँमा तीन वटा मोटरसाइकल खरीद गरेको छ । यस्तै महिन्द्रा बोलेरो जीपमा २३ लाख ८५ हजार रुपैयाँ र एक्साभेटरमा एक करोड २४ लाख ८५ हजार रुपैयाँ खर्च गरेको देखिएको छ ।

केआई सिंह गाउँपालिकाले सबैभन्दा धेरै १७ वटा मोटरसाइकल खरीद गरेको छ । मोटरसाइकल खरीदमा ३२ लाख ६९ हजार ११५ रुपैयाँ खर्च भएको छ । यस्तै मिनी टिपरमा २० लाख १३ हजार २७४ रुपैयाँ र जेसीबी खरीदमा ४० लाख ९९ हजार ९९९ रुपैयाँ गरी कूल ९३ लाख ८२ हजार ३८८ रुपैयाँ खर्च भएको छ ।

बोगटान गाउँपालिकाले ७६ लाख १३ हजार ८०० रुपैयाँ गाडी खरीदमा खर्च गरेको छ । यो गाउँपालिकाले चार मोटरसाइकल खरीदमा ९ लाख ७८ हजार ८०० खर्च गरेको छ । यस्तै डोजर खरीदमा ४२ लाख ५० हजार रुपैयाँ र महिन्द्रा बोलेरो जीप खरीदमा २३ लाख ८५ हजार रुपैयाँ खर्च भएको देखिएको छ ।

जोरायल गाउँपालिकाको गाडी खरीदमा अन्यको स्थानीय तहभन्दा तुलनात्मक रूपमा खर्च कम भएको देखिएको छ । यो गाउँपालिकाले ५८ लाख ३८ हजार ९९९ रुपैयाँ गाडी खरीदमा खर्च गरेको देखिन्छ । जोरायलले १० वटा मोटरसाइकल खरीदमा २२ लाख आठ हजार ९९९ रुपैयाँ खर्च गरेको छ । यसैगरी एउटा महिन्द्रा पिकअप जीपमा ३६ लाख ३० हजार रुपैउाँ खर्च गरेको छ ।

आदर्श गाउँपालिकाले  ५७ लाख २२ हजार ९०० रुपैयाँको गाडी खरीद गरेको छ । १४ मोटरसाइकल खरीदमा ३३ लाख ३७ हजार ९०० रुपैयाँ र एउटा महिन्द्रा बोलेरो जीप खरीदमा २३ लाख ८५ हजार रुपैयाँ खर्च देखाइएको छ । स्थानीय तहले खरीद गरेका दुई पाङ्ग्रे सवारी साधनको मूल्यमा एक रुपता देखिएको छैन । एउटै कम्पनीको एउटै मोडलका र एउटै क्षमताका मोटरसाइकल पनि फरक–फरक दरमा खरीद गरिएको पाइएको छ ।  

]]>
बैतडी र बझाङमा विरुवा वितरण https://www.dhangadhikhabar.com/news/6375 Tue, 21 May 2019 08:19:10 +0545 https://www.dhangadhikhabar.com/news/6375 भूमि व्यवस्था, कृषि तथा सहकरी मन्त्रालय सुदूरपश्चिम प्रदेशले व्यावसायिक रूपमा स्याउ उत्पादनका लागि बैतडी र बझाङमा साढे २ हजार बिरुवा वितरण गरेको छ । भूमि व्यवस्था, कृषि तथा सहकरी मन्त्रालय सुदूरपश्चिम प्रदेशले व्यावसायिक रूपमा स्याउ उत्पादनका लागि बैतडी र बझाङमा साढे २ हजार बिरुवा वितरण गरेको छ । ८६ हेक्टर क्षेत्रफलमा स्याउ उत्पादनका लागि मन्त्रालयले चालू आर्थिक वर्षको दोस्रो चौमासिकमा २ हजार ५ सय ८० बिरुवा वितरण गरेको हो ।

स्याउ उत्पादनका लागि बैतडी र बझाङ उर्वर देखिएपछि बिरुवा उपलब्ध गराएको मन्त्रालयले जानकारी दिएको छ । मन्त्रालयले सो अवधिसम्ममा ४ सय ३५ मेट्रिकटन बीजवृद्धि आलु उत्पादनको लक्ष्यसहित डँडेलधुरा, कैलाली र कञ्चनपुरमा २९ हेक्टर क्षेत्रफलका लागि बीजवृद्धि आलु वितरण गरेको छ । आगामी आर्थिक वर्ष २०७६/७७ मा २ सय ९० हेक्टर क्षेत्रफलमा उन्नत जातको बीउ उपलब्ध हुने गरी वितरण गरिएको बताइएको छ । त्यस्तै २ सय ५१ हेक्टर क्षेत्रफलमा ६ सय २० मेट्रिकटन बीजवृद्धि गहुँ उत्पादनका लागि तोकिएको कार्यक्रम अनुसार बीजवृद्धि गहुँ उपलब्ध गराइएको मन्त्रालयको दोस्रो चौमासिक प्रतिवेदनले देखाएको छ । आगामी आवसम्ममा कैलाली, कञ्चनपुर, बैतडी र डँडेलधुरामा ४ हजार ८ सय ३० हेक्टर क्षेत्रफलमा उन्नत गहुँको बीउ उपलब्ध हुने मन्त्री विनीता चौधरीले बताइन् ।

उनका अनुसार मन्त्रालयले दोस्रो चौमासिकसम्ममा बैतडी, बझाङ र डँडेलधुरामा १ सय ६८ हेक्टर क्षेत्रफलमा ओखर क्षेत्र विस्तारका लागि २० हजार बिरुवा वितरण गरिएको बताए । यस वर्ष डँडेलधुराबाट ५ हजार टिस्यु कल्चरका ओखरका बिरुवा वितरण गरिएको बताइएको छ । मन्त्रालयका अनुसार थारू आलु संरक्षण तथा संवद्र्धन पकेट कार्यक्रम मार्पmत १८ ओटा पकेटमा ६० हेक्टर क्षेत्रफलमा कैलाली र कञ्चनपुरमा गरी ६ सय मेट्रिकटन आलु उत्पादन भएको छ । उत्पादित आलुमध्ये २ सय मेट्रिकटन बीउका लागि भण्डारण गरिन बताइएको छ ।

]]>
पर्यटकीय क्षेत्र विकासका लागि गुरुयोजना बनाउन सुझाव https://www.dhangadhikhabar.com/news/6374 Tue, 21 May 2019 07:34:17 +0545 https://www.dhangadhikhabar.com/news/6374 व्यवसायीले सुदूरपश्चिमका पर्यटकीय क्षेत्रको विकासका लागि गुरुयोजना बनाउन प्रदेश सरकारलाई सुझाव दिएका छन् । व्यवसायीले सुदूरपश्चिमका पर्यटकीय क्षेत्रको विकासका लागि गुरुयोजना बनाउन प्रदेश सरकारलाई सुझाव दिएका छन् । आइतवार नाटा सुदूरपश्चिमले आयोजना गरेको छलफल तथा अन्तरक्रिया कार्यक्रममा पर्यटन व्यवसायीले उक्त सुझाव दिएका हुन् । सुदूरपश्चिमका पर्यकीय क्षेत्रको विकासका लागि आगामी बजेटमा योजनाहरू समावेश गर्न भएको छलफल तथा अन्तरक्रिया कार्यक्रममा उद्योे, वन, पर्यटन तथा वातावरण मन्त्री माया भट्टलाई व्यवसायीले उक्त सुझाव दिएका हुन् ।

सुदूरपश्चिमका पर्यटन व्यवसायी सिके सिंहले गुरुयोजना बनाएर पर्यटकीय क्षेत्रको विकास गरिनुपर्ने बताए ।

उनले सबै क्षेत्रका पर्यटकीय क्षेत्रको विकासका लागि विज्ञको सुझाव सहित गुरुयोजना बनाउन प्रदेश सरकारको ध्यानाकर्षण गराए ।

त्यस्तै नाटा सुदूरपश्चिमका अध्यक्ष मायाप्रकाश भट्टले गुरुयोजना सहित ‘एक जिल्ला एक पर्यटकीय क्षेत्र’ घोषणा गरी कार्यक्रम सञ्चालन गर्नुपर्ने बताए । उनले पर्यटनबाटै प्रदेशलाई समृद्ध बनाउन सकिने भन्दै अगामी बजेटमा पर्यटकीय क्षेत्रका योजनालाई प्राथमिकतामा राख्न सुझाव दिए ।

कार्यक्रममा कञ्चनपुर उद्योग वाणिज्य संघका अध्यक्ष जंगबहादुर मल्लले पर्यटन क्षेत्रको विकासका लागि भौतिक पूर्वाधार निर्माणमा जोड दिनुपर्ने बताए । उनले भौतिक पूर्वाधारले पर्यटकलाई आकर्षण गर्नुका साथै सुविधा दिने भएकोले त्यसतर्पm लगानी गर्न प्रदेश सरकारसँग आग्रह गरे । साथै भारत लगायत सीमा नाकाबाट प्रवेश गर्ने तेस्रो मुलुकका पर्यटकलाई सहज वातावरण मिलाउनु पर्ने उनको भनाइ थियो । नीति निर्माण तथा योजना कागजमा मात्रै सीमित हुने गरेकाले त्यसको कार्यान्वयनमा जोड दिनुपर्ने होटल व्यवसायी कञ्चनपुरका अध्यक्ष प्रमानन्द भण्डारी बताउँछन् । उनले निजीक्षेत्रको लगानी सुरक्षित गर्नुका साथै स्थानीय व्यवसायीलाई सहुलियतको व्यवस्था गर्न समेत आग्रह गरे ।

कार्यक्रममा बोल्ने अधिकांश व्यवसायीले पर्यटन क्षेत्रको प्रोफाइल निर्माण, तथ्यांक संकलन गर्नुपर्ने तथा अतिथि सत्कारको संस्कार विकास गर्न प्रदेश सरकारलाई सुझाव दिएका थिए । कार्यक्रमकी प्रमुख अतिथि समेत रहेकी मन्त्री भट्टले पर्यटन क्षेत्रको विकास र व्यवसायीको हितका लागि पर्यटन ऐन निर्माण गर्न लागेको बताइन् । उनले पर्यटन ऐनको मस्यौदा तयार भइसकेकाले पर्यटन व्यवसायीसँग छलफल गरेर आगामी अधिवेशनबाट पारित गरिने बताइन् ।

]]>